Apple جانە Google كومپانيالارىنىڭ باسشىلارى تيم كۋك پەن سۋندار پيچاي اقش پرەزيدەنتى دونالد ترامپتىڭ بىرقاتار ساناتتاعى جۇمىس ۆيزالارىن بەرۋدى توقتاتا تۇرۋ تۋرالى جارلىققا قول قويعانىنا كوڭىلدەرى تولمايتىندىعىن ايتتى, دەپ جازادى Egemen.kz
"Apple سياقتى يمميگرانتتار دا ارقاشان ءبىزدىڭ سان الۋاندىعىمىزدان كۇش-قۋات الاتىن جانە امەريكاندىق ارماننىڭ وزگەرىسسىز قالا بەرەتىندىگىنە سەندى. ەكەۋى بولماسا, وركەندەۋ بولمايدى. سوندىقتان بۇل مالىمدەمەگە قاتتى كوڭىلىم قالدى", دەپ جازدى كۋك ءوزىنىڭ Twitter-دەگى جەكە پاراقشاسىندا.
ال پيچاي ءوزىنىڭ بلوگىندا: "يمميگراتسيا امەريكانىڭ ەكونوميكالىق جەتىستىگىنە ەداۋىر ۇلەسىن قوستى". ونى جاھاندىق تەحنولوگيالار كوشباسشىسى دەپ اتاپ ءوتتى. Google باسشىسى بۇگىنگى مالىمدەمەگە كوڭىلى تولمايتىنىن جانە كومپانيا "يمميگرانتتارعا قولداۋ كورسەتۋدى جانە بارلىق مۇمكىندىكتى قامتاماسىز ەتۋ ءۇشىن جۇمىس ىستەۋدى جالعاستىرامىز" دەيدى كومپانيا باسشىسى.
مايكروسوفت كورپوراتسياسىنىڭ توراعاسى برەد سميت تا ءوزىنىڭ تۆيتتەردەگى جازباسىندا ترامپتىڭ شەشىمىنە تۇسىنىك بەرە وتىرىپ: "قازىر الەم تالانتتارىنان باس تارتاتىن جانە الاڭداۋشىلىق تۋعىزاتىن ۋاقىت ەمەس" دەپ اتاپ ءوتتى. ونىڭ ايتۋىنشا, كومپانيادا "يمميگرانتتار ماڭىزدى ءرول اتقارادى" جانە "ەلدىڭ ماڭىزدى ينفراقۇرىلىمىن جاساقتايدى" دەيدى ب.سميت.
بۇعان دەيىن امەريكاندىق Twitter كومپانياسى اقش-تىڭ جۇمىس ۆيزالارىنا قاتىستى شەشىمىن سىنعا الىپ, ۆاشينگتوننىڭ بۇل شەشىمى قىسقا مەرزىمدە قارالعاندىعىن جانە امەريكا قۇراما شتاتتارىنىڭ ەكونوميكالىق الەۋەتىنە نۇقسان كەلتىرەتىنىن مالىمدەگەن ەدى.