ەلىمىزدەگى "اتامەكەن" ۇلتتىق كاسىپكەرلەر پالاتاسى وڭىرلىك فيليالىنىڭ مالىمەتىنشە, "باستاۋ بيزنەس" جوباسى 10 ماۋسىم-30-شى قىركۇيەك ارالىعىندا وتەدى. ال جوباعا قاتىسۋشى ادامداردى تەگىن وقىتۋ بيىل كارانتيندىك شەكتەۋلەرگە بايلانىستى ونلاين تۇردە وتكىزىلەدى, - دەپ حابارلادى Egemen.kz.
سوندىقتان 5 توپپەن 21 كۇننەن وقىتىلادى. ونلاين وقىتۋ الدىن-الا ازىرلەنگەن بەينە-ساباقتار ارقىلى جۇرگىزىلەدى. العاشىندا قاتىسۋشىلار جالپىلاما ساباقتار بويىنشا ءبىلىم السا, ودان كەيىن وزدەرىنىڭ تاڭداعان باعىتىنا قاراي جەكەلەگەن بەينە-ساباقتار بەرىلەدى. ماسەلەن, مال شارۋاشىلىعىن دامىتۋدى كوزدەيتىن تۇرعىنعا وسى سالانىڭ قىر-سىرى ۇيرەتىلەدى.
بەينەساباقتار اياقتالعاننان كەيىن ءاربىر قاتىسۋشى بيزنەس ترەنەرمەن جەكە جۇمىس جاسايدى. ءاربىر اۋدان-قالادا پالاتادا بيزنەس ترەنەر بار. ولار بيزنەس جوسپار ءتۇزۋ جاعىنان كەڭەس بەرەدى. بيزنەس ترەنەر ۇمىتكەردىڭ جوباسىن دامىتۋعا دا قولعابىس جاسايدى. الدىمەن جوباعا قاتىسۋشىلار ءوزىنىڭ تۇرعىلىقتى جەرى بويىنشا جۇمىسپەن قامتۋ ورتالىعىنا بارىپ, ءوتىنىم بەرەدى.
ورتالىق ماماندارى ءوتىنىش بەرۋشىنىڭ جۇمىسسىز نەمەسە جۇمىس جاساۋعا جارايتىن مۇمكىندىگى شەكتەۋلى جاندار ساناتىندا ەكەنىن راستاپ, ارنايى جولداما بەرەدى. بۇدان كەيىن جولداما مەن جەكە باسىن كۋالاندىراتىن قۇجاتىمەن ۇمىتكەر كاسىپكەرلەر پالاتاسىنىڭ كومەگىنە جۇگىنەدى.
پالاتادا قاتىسۋشىنى Atameken Academy ونلاين-پلاتفورماسىنا تىركەيدى. ونلاين وقىتۋ الدىن الا ازىرلەنگەن بەينە ساباقتار ارقىلى جۇرگىزىلەدى. ياعني, ەڭ العاشىندا قاتىسۋشىلار جالپىلاما ساباقتار بويىنشا ءبىلىم السا, ودان كەيىن ازاماتتاردىڭ تاڭداعان باعىتىنا قاراي جەكەلەگەن بەينەساباقتار بەرىلەدى. ماسەلەن, مال شارۋاشىلىعىن دامىتۋدى كوزدەيتىن تۇرعىنعا وسى سالانىڭ قىر-سىرى ۇيرەتىلەدى. ال, جوباعا قاتىسۋشىلار ءۇش رەت تەست تاپسىرادى. العاشقى تەستىلەۋدە ۇمىتكەردىڭ ءبىلىم دەڭگەيى مەن يكەمى سارالانادى.
ەكىنشى, ارالىق تەستە بەينە ساباقتاردان العان ءبىلىمى تەكسەرىلەدى. ءۇشىنشى تەست بيزنەس جوسپاردى قورعاۋ الدىندا الىنادى.
قاتىسۋشىلار بيزنەس جوسپارلارىن دا ونلاين تۇردە قورعايدى. سودان كەيىن وقىعانى جونىندە سەرتيفيكات بەرىلەدى. قازىرگى تاڭدا سەرتيفيكاتتى قاتىسۋشىلاردىڭ قولىنا ەمەس, ەلەكتروندى تۇردە ۇلەستىرۋ قاراستىرىلۋدا.
جالپى, وڭىردە 1350 تۇرعىنعا بيزنەس نەگىزدەرىنەن ءبىلىم بەرىلەدى. جوبانىڭ تۇلەكتەرى, ياعني, بيزنەس جوسپارلارىن ءساتتى قورعاعان قاتىسۋشىلپر ءارى قاراي گرانتتىق قارجىلاندىرۋعا نەمەسە شاعىن نەسيەلەر الۋعا قاتىسا الادى.
پاۆلودار قالاسى