بيىل قىزىلوردا قالاسىنداعى 32 كوپ قاباتتى تۇرعىن ۇيگە قايتا جاڭعىرتۋ جۇمىستارىجۇرگىزىلۋدە. "تۇرعىن ء ۇي-كوممۋنالدىق شارۋاشىلىعىن جاڭعىرتۋدىڭ 2011-2020 جىلدارعا ارنالعان" باعدارلاماسى اياسىنداوسىعان دەيىن وبلىس ورتالىعىنداعى 134 كوپ پاتەرلى تۇرعىن ءۇي قايتا جاڭعىرتۋدان ءوتىپ, پايدالانۋعا بەرىلگەن.
"باعدارلامانىڭ تۇرعىندار ءۇشىن ءتيىمدى تۇسى - ءۇي يەلەرى جوندەۋ جۇمىستارىن جۇرگىزەتىن مەردىگەر مەكەمەنى وزدەرى تاڭدايدى. ياعني باعدارلامانىڭ تالاپتارىنا سايكەس ەڭ الدىمەن تۇرعىنداردىڭ كەمىندە 70%-ى كەلىسۋى قاجەت.تاڭداعان مەكەمە جۇمىسىن تۇرعىندار اراسىنان سايلانعان بەلسەندى توپ تولىق باقىلاۋدا ۇستاپ, قاداعالايدى. جوندەۋ جۇمىستارىنا قاتىستى تۇرعىنداردىڭ سىن-ەسكەرتپەلەرى بولسا مەردىگەرگە جەتكىزە وتىرىپ, وزگەرتۋلەر ەنگىزە الادى. سونىمەن قاتار جوندەۋ جۇمىستارى اياقتالعاندا ءۇيدى قابىلداپ الۋعا دا سول بەلسەندى توپ مۇشەلەرىاتسالىسادى", - دەدى قالا اكىمىنىڭ ورىنباسارى ە. بەردىباەۆ.
مۇراتباەۆ كوشەسى 36-ءۇيدىڭ تۇرعىنى يرينا وسادچۋك مودەرنيزاتسيانى ۇزاق كۇتكەندەرىن ايتادى. 1964 جىلى سالىنعان باسپانالارى كوپ جىلدان بەرى دۇرىس جوندەۋ كورمەپتى. قازىر جۇرگىزىلىپ جاتقان جاڭعىرتۋ جۇمىستارىنا كوڭىلى تولادى جانە وزدەرىۇدايى باقىلاپ وتىر.
"بۇرىن ءۇيىمىزدىڭ شاتىرى شۇرىق-تەسىك ەدى. سول دۇرىستالىپ جاتىر. سۋدىڭ, جىلۋدىڭ قۇبىرلارى دا رەتكە كەلتىرىلدى. مەردىگەردى ءوزىمىز تاڭدادىق. ءوزىمىز قاداعالاپ ءجۇرمىز. جاڭعىرتۋ جۇمىستارى ويداعىداي", - دەدى. تولە بي كوشەسى 137-ا ءۇي تۇرعىنى الماعانبەت ءجۇنىسوۆ.
وبلىس ورتالىعىندا جالپى سانى 815 كوپ قاباتتى تۇرعىن ءۇي بولسا, سونىڭ 426-سى جوندەۋدى قاجەت ەتەدى. وسى جۇمىستاردى جالعاستىرۋ ماقساتىندا تاعى دا قالاداعى 26 ءۇيدى جاڭعىرتۋعا بيۋدجەتتىك ءوتىنىم بەرىلدى.