الەمدەگى احۋالعا شولۋ: ارمەنيا پرەمەر-ءمينيسترى مەن ونىڭ وتباسى ۆيرۋس جۇقتىردى

15:45

ارمەنيانىڭ پرەمەر-ءمينيسترى نيكول پاشينيان مەن ونىڭ وتباسى مۇشەلەرى كوروناۆيرۋس جۇقتىردى

بۇل تۋرالى پرەمەر-مينيستر بۇگىن ءوزىنىڭ Facebook پاراقشاسىندا حابارلادى.

«مەن كوروناۆيرۋسقا تەست تاپسىردىم. وكىنىشكە قاراي, مەنەن كوروناۆيرۋس ينفەكتسياسى تابىلدى. وسىدان كەيىن وتباسىمنىڭ مۇشەلەرى تەست تاپسىردى, ولاردان دا ينفەكتسيا انىقتالعان. بىراق, اۋرۋ بەلگىلەرى جوق, دەنە قىزۋى دا قالىپتى. قازىرگى تاڭدا بارلىعىمىز وقشاۋلاندىق. ۇيدە وتىرىپ جۇمىس ىستەيمىن. ول ءۇشىن بارلىق جاعداي جاسالعان»,- دەدى نيكول پاشينيان.

ول كوروناۆيرۋستى جينالىستاردىڭ بىرىندە  وفيتسيانتتان جۇقتىرۋى مۇمكىن ەكەنىن ايتتى.

قازىرگى تاڭدا ارمەنيادا ۆيرۋس جۇقتىرعاندار سانى 9282-گە جەتتى.

15:30

وتكەن تاۋلىكتە لاتۆيادا ۆيرۋس جۇقتىرۋدىڭ جاڭا جاعدايى انىقتالمادى

وتكەن تاۋلىكتە لاتۆيادا ىندەت جۇقتىرعان ناۋقاس تىركەلگەن جوق. بۇل تۋرالى لاتۆيانىڭ اۋرۋلاردى الدىن الۋ جانە باقىلاۋ ورتالىعىنىڭ وكىلى حابارلادى.

«جالپى ەلىمىزدە كوروناۆيرۋس جۇقتىرۋدىڭ 1066 جاعدايى تىركەلدى. وتكەن تاۋلىكتە جۇرگىزىلگەن 652 تەست ناتيجەسىندە بىردە-ءبىر ادامنىڭ ۆيرۋس جۇقتىرعانى انىقتالمادى», - دەدى رەسمي وكىل.

لاتۆيادا پاندەميا باستالعالى بەرى 109 723 تەست جاسالعان, قازىرگى ۋاقىتتا اۋرۋدان ايىققاندار سانى – 745.

09:30

دۇنيەجۇزىندە 6 166 946 ادام كوروناۆيرۋس جۇقتىردى.

372 035 ادام قايتىس بولدى.

2 641 329 ناۋقاس قۇلان-تازا ايىقتى.

اقش-تا 1 790 172 جاعداي تىركەلدى, 444 758 ادام ساۋىعىپ شىقتى, 104 381 ادام قايتىس بولدى.

برازيليادا 514 849 جاعداي تىركەلدى, 206 555 ادام ساۋىعىپ شىقتى, 29 314 ادام قايتىس بولدى.

رەسەيدە 405 843 جاعداي تىركەلدى, 171 883 ادام ساۋىعىپ شىقتى, 4 693 ادام قايتىس بولدى.

ۇلىبريتانيادا 276 156 جاعداي تىركەلدى, 1 190 ادام ساۋىعىپ شىقتى, 38 571 ادام قايتىس بولدى.

يسپانيادا 239 479 جاعداي تىركەلدى, 150 376 ادام ساۋىعىپ شىقتى, 27 127 ادام قايتىس بولدى.

يتاليادا 232 997 جاعداي تىركەلدى, 157 507 ادام ساۋىعىپ شىقتى, 33 415 ادام قايتىس بولدى.