مەملەكەت باسشىسى 26 مامىردا «قازاقستان رەسپۋبليكاسىندا بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى» زاڭعا قول قويعان ەدى. زاڭ العاش رەسمي جاريالانعان كۇننەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. سايكەسىنشە 2020 جىلعى 6 ماۋسىمدا كۇشىنە ەنەدى, - دەپ حابارلادى قازاقستان رەسپۋبليكاسى اقپارات جانە قوعامدىق دامۋ مينيسترلىگى.
2020 جىلعى 6 ماۋسىمعا دەيىن «قازاقستان رەسپۋبليكاسىندا بەيبiت جينالىستار, ميتينگiلەر, شەرۋلەر, پيكەتتەر جانە دەمونستراتسيالار ۇيىمداستىرۋ مەن وتكiزۋ ءتارتiبi تۋرالى» 1995 جىلعى 17 ناۋرىزداعى قازاقستان رەسپۋبليكاسىنىڭ زاڭى ءوز كۇشىندە قالادى.وسىعان بايلانىستى بەيبىت جينالىستار تۋرالى حابارلامالار مەن كەلىسۋدى الۋ تۋرالى وتىنىشتەردى جولداۋ «قازاقستان رەسپۋبليكاسىندا بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى» زاڭى كۇشىنە ەنگەننەن كەيىن مۇمكىن بولادى.