نۇر-سۇلتاندا وتكىزۋ-باقىلاۋ بەكەتتەرى 1 ماۋسىمعا قاراعان ءتۇنى الىنادى. تاۋلىك بويى قالا اۋماعىندا ورنالاسقان بلوك بەكەتتەردە پوليتسيا قىزمەتكەرلەرى, قارۋلى كۇشتەردىڭ اسكەري قىزمەتشىلەرى, ۇلتتىق گۆارديانىڭ وكىلدەرى كەزەكشىلىك ەتتى.
سونىمەن بىرگە بلوكبەكەتتەردە اسكەرگە شاقىرىلعاندار دا كەزەكشىلىك ەتتى. قالاعا كىرىپ-شىعۋعا تىيىم سالۋ Covid-19 ىندەتىنىڭ تارالۋىن ازايتۋعا مۇمكىندىك بەردى.
بلوكپوستارعا كىرۋ جانە شىعۋ ۇدەرىسى تولىعىمەن اۆتوماتتاندىرىلعان. پوليتسيا قىزمەتكەرلەرىنىڭ پلانشەتتەرىنە ەنگىزىلگەن ەلەكتروندىق بازا تارتىپبۇزۋشىلىقتى انىقتاۋعا كومەكتەستى.
مىسالى, بىرقاتار كاسىپورىندار قالا بويىنشا ءجۇرىپ-تۇرۋ ءۇشىن انىقتامانى قولدان جاساۋعا تىرىستى. ازىق-ت ۇلىك جۇكتەرى ءۇشىن "جاسىل ءدالىز" ۇيىمداستىرىلدى, ول ارقىلى قالانىڭ تىنىس-تىرشىلىگىن قامتاماسىز ەتەتىن قىزمەتكەرلەر دە وتە الدى. بلوكپوستارداعى جاعدايدى دروندارمەن باقىلاۋ مۇمكىن بولدى.
وتكىزۋ-باقىلاۋ بەكەتتەرىن الۋ - قالىپتى ءومىر ءسۇرۋ داعدىسىنا ورالامىز دەگەندى بىلدىرمەيدى. قالادا مەديتسينالىق ماسكا كيىپ ءجۇرۋ قاجەت. تۇرعىندار سانيتارلىق نورمالاردى قاتاڭ ساقتاۋى كەرەك. ماسكا كيىپ, ارا قاشىقتىقتى ساقتاپ, قولدى انتيسەپتيكپەن وڭدەگەن ءجون.