اۆتوبۋسپەن جولاۋشىلار تاسىمالىنا قويىلاتىن سانيتارلىق تالاپتار

جولاۋشىلاردى اۆتوبۋستارمەن تاسىمالداۋ كەزىندە تاسىمالداۋشىلاردىڭ ءتيىستى جۇمىس الگوريتمى باس سانيتارلىق دارىگەردىڭ قاۋلىسىنىڭ تالاپتارىن ەسكەرە وتىرىپ ازىرلەندى. اتاپ ايتقاندا:

- باعداردىڭ سوڭعى پۋنكتتەرىندە اۆتوبۋستارعا دەزينفەكتسيا جۇرگىزۋ;

- جولاۋشىلاردى سالونعا مەديتسينالىق بەتپەردەمەن عانا كىرگىزۋ;

- جولاۋشىلار اراسىنداعى كەمىندە 1 مەتر قاشىقتىقتى ۇستانۋ;

- جۇرگىزۋشىلەردى قولعاپتارمەن جانە مەديتسينالىق بەتپەردەلەرمەن قامتاماسىز ەتۋ, ولاردى ۋاقىتىلى اۋىستىرۋ ء(اربىر 2 ساعات سايىن);

- اۆتوپارك قىزمەتكەرلەرىن ەكى اپتادا 1 رەت سOVID-19-عا تەرىس ناتيجە تۋرالى انىقتاما بولعان كەزدە عانا جۇمىسقا شىعارۋ سياقتى تالاپتار.

اكىمدىكتەر جولاۋشىلار تاسىمالى كەزىندە كوروناۆيرۋستىق ينفەكتسيانىڭ تارالۋىنىڭ الدىن الۋدا ءتيىمدى بولۋ ءۇشىن تاسىمالداۋ پروتسەسىنە قاتىسۋشىلاردىڭ وسى الگوريتمگە سايكەستىگىن قامتاماسىز ەتۋگە قاجەتتى شارالاردى قابىلداۋى ءتيىس.

قازىرگى ۋاقىتتا رەسپۋبليكادا 313 قالاارالىق باعىت بار. ولاردى 610 اۆتوبۋسپەن (سىيىمدىلىعى 45-55 ورىندىق III ساناتتاعى اۆتوبۋستار) 88 تاسىمالداۋشى كاسىپورىن اتقارادى.

رەسەي, قىتاي, وزبەكستان, قىرعىزستان جانە موڭعوليامەن حالىقارالىق باعىتتاردى جاڭعىرتۋ تۋرالى شەشىم بۇل ەلدەردەگى سانيتارلىق-ەپيدەميولوگيالىق جاعدايدىڭ جاقسارۋىنا قاراي قابىلدانادى.