1-سىنىپقا قۇجاتتاردى قابىلداۋ 1 ماۋسىم مەن 30 تامىز ارالىعىندا ىسكە اسىرىلادى. بۇل تۋرالى بعم ءباسپاسوز قىزمەتى حابارلادى.
ءوتىنىشتى egov.kz ارقىلى بەرۋگە بولادى. قاجەتتى قۇجاتتار ءتىزىمى:اتا-انالارىنان ءوتىنىش (نەمەسە ولاردى الماستىراتىن تۇلعالاردان);بالانىڭ تۋ تۋرالى كۋالىگىنىڭ كوشىرمەسى;«بالا دەنساۋلىعى پاسپورتى» 026/ۋ-3 نىسانى بويىنشا دەنساۋلىق جاعدايى تۋرالى قۇجات;063/ۋ نىسانى بويىنشا دەنساۋلىق جاعدايى تۋرالى قۇجات;3ح4 كولەمىندەگى 2 فوتو.ەرەكشە ءبىلىم بەرىلۋىنە قاجەتتىلىگى بار بالالاردى ءبىلىم بەرۋ ۇيىمدارىنا وقۋعا قابىلداۋ بالانىڭ اتا-اناسىنىڭ نەمەسە وزگە زاڭدى وكىلدەرىنىڭ كەلىسىمىمەن پەداگوگيكالىق-مەديتسينالىق-پسيحولوگيالىق كونسۋلتاتسيا قورىتىندىسى ەسكەرىلە وتىرىپ جۇزەگە اسىرىلادى.
17 تامىزدان باستاپ جازعى مەكتەپ جۇمىس ىستەي باستايدى. وعان اتا-انالاردىڭ قالاۋى بويىنشا مەكتەپكە دەيىنگى مەكەمەلەردە بولماعان نەمەسە مەكتەپالدى دايارلىقتان وتپەگەن بالالار بارا الادى.