نيگەريانىڭ «بوكو حارام» قارۋلى توبى اتالمىش ەلدىڭ يوبە شتاتىنداعى اۋىل شارۋاشىلىعى كوللەدجىنىڭ 50 ستۋدەنتىن اتىپ كەتتى. بۇل تۋرالى «روسبالت» سايتى حابارلادى.
مۇزداي قارۋلانعان «بوكو حارام» توبى كوللەدج جاتاقحاناسىنا كىرىپ, ۇيىقتاپ جاتقان ستۋدەنتتەرگە وق جاۋدىرعان. سونداي-اق, كوللەدجدىڭ يەلىگىندەگى بىرقاتار عيماراتتاردى ورتەگەن. ال وق تيگەن 50 ستۋدەنتتىڭ قانشاسى ادام ءولىپ, قانشاسى جاراقات العانى تۋرالى ناقتى مالىمەت جوق.
يوبە شتاتىندا وسىعان ۇقساس جاعىداي وتكەن شىلدە ايىندا دا ورىن العان بولاتىن. سول كەزدە 40 ادام كوز جۇمعان.
جالپى, «بوكو حارام» توبى نيگەريا ۇكىمەتىنەن ءبىلىم بەرۋ سالاسىن شاريعاتقا نەگىزدەۋ قاجەتتىگىن تالاپ ەتۋدە. ال, ولار ەلدەگى باتىستىق ءبىلىم بەرۋ ۇلگىسىنە مۇلدە قارسى. سوندىقتان دا, اتالعان قارۋلى توپ باتىس ۇلگىسىندە وقىتاتىن ءبىلىم وشاقتارىنا تىنىشتىق بەرمەۋدە.
جولدىباي بازار