نۇر-سۇلتان قالاسىنىڭ باس يمامى قادىر ءتۇنىن ۇيدە قارسى الۋعا شاقىردى

نۇر-سۇلتاننىڭ باس يمامى ەربولات ءجۇسىپوۆ قادىر ءتۇنى قارساڭىندا مەشىت ءۇش نەگىزگى قۇلشىلىقتى ورىنداۋعا دايىن ەكەنىن ايتتى.

«كوروناۆيرۋستىڭ تارالۋ قاۋپى ءالى سەيىلگەن جوق. جۇقتىرۋ قاۋپى بار بولعاندىقتان, نۇر-سۇلتان مەشىتتەرى 7:00-دەن 20:00-گە دەيىن جۇمىس ىستەيدى. بۇل ۋاقىتتا كەلۋشىلەر 15 مينۋت ىشىندە جەكە قۇلشىلىق جاساي الادى. بۇل رەتتە ول ماسكا, قولعاپ كيۋ كەرەك. سونداي-اق مۇسىلماندار قۇران وقىتا الادى. ول ءۇشىن كەلۋشىلەر سانى ون ادامنان اسپاۋى, ال ولاردىڭ اراسىنداعى قاشىقتىق 1,5 مەتردەن كەم بولماۋى ءتيىس. سونىمەن قاتار مەشىتتەردە نەكە قيدىرۋعا بولادى. سالتاناتتى راسىمگە نەكە كۋاگەرلەرىن قوسقاندا ءتورت ادام عانا قاتىسا الادى», – دەدى ە. ءجۇسىپوۆ.

قاسيەتتى رامازان ايىندا ءلايلاتۋل-كادىر ءتۇنى – ەڭ ماڭىزدى ءتۇن. قاسيەتتى قۇراننىڭ العاشقى سۇرەلەرى ءدال سول ءتۇنى مۇحاممەد پايعامبارعا جىبەرىلگەن. 2020 جىلى قاسيەتتى قادىر ءتۇنى 19 مامىردان 20 مامىرعا قاراعان تۇنگە سايكەس كەلەدى.