پرەمەر-مينيستر اسقار مامين قازاقستاندىقتاردى جەڭىس كۇنىمەن قۇتتىقتادى. بۇل تۋرالى primeminister.kz حابارلادى.
قۇرمەتتى وتانداستار, سىزدەردى ۇلى جەڭىستىڭ 75 جىلدىعىمەن شىن جۇرەكتەن قۇتتىقتايمىن!
9-مامىر قازاقستاندىق وتباسىلاردىڭ باسىم كوپشىلىگى ءۇشىن ۇلىق مەرەكە, ويتكەنى ءبىز بۇگىن ادامزات بالاسىنىڭ تاريحىنداعى ەڭ سۇراپىل سوعىستا قان كەشكەن قاھارمان ۇل-قىزداردىڭ, اكەلەرىمىز بەن اتالارىمىزدىڭ, بابالارىمىزدىڭ وشپەس باتىرلىعىن جادىمىزدا ساقتاپ, زور قۇرمەتپەن ەسكە الامىز.
ءبىز مايدان دالاسىندا ەرەن ەرلىكتىڭ ۇلگىسىن كورسەتىپ, جەڭىس جالاۋىن جەلبىرەتكەن باتىر ۇرپاقتىڭ, وتتى جىلداردا تىلدا جانكەشتى ەڭبەك ەتكەن ارداگەرلەرىمىزدىڭ الدىندا وتانىمىزدى قورعاپ, بەيبىت ءومىر سىيلاعانى ءۇشىن تاعزىم ەتەمىز.
ارداگەرلەرگە مىقتى دەنساۋلىق, جاقىندارىنىڭ قامقورلىعى مەن جىلۋىن, مول قۋانىش پەن ۇزاق عۇمىر تىلەيمىن.
تاۋەلسىز ەلىمىزدىڭ كوگىندە ارقاشان تىنىشتىق بولسىن!