ماڭعىستاۋ وبلىسىنىڭ ورتالىعى – اقتاۋ قالاسى تۇرعىندارىنىڭ ايتارلىقتاي بولىگى وبلىستا ات ۇستىندە جۇرگەن ازاماتتاردى تۇستەپ تاني بەرمەيتىن بولىپ شىقتى. بۇل جەرگىلىكتى «تۋمبا» گازەت-سايتىنىڭ جۋرناليستەرى جۇرگىزگەن ساۋالدامانىڭ ناتيجەسىندە انىقتالدى.
كۇنى كەشە باسىلىمنىڭ تىلشىلەرى يرينا گونچاروۆا, لارياننا شامحالاەۆا جانە اماندىق امانقۇلوۆ كوشەگە شىعىپ, جۇرگىنشى جۇرتشىلىقپەن جۇزدەسىپ, جوعارىداعى ماسەلەنى انىقتاۋعا اتسالىسقان ەكەن. ول كوپشىلىككە ماڭعىستاۋ وبلىسىنىڭ اكىمى اليك ايدارباەۆتىڭ, «نۇر وتان» حدپ وبلىستىق فيليالى توراعاسىنىڭ ورىنباسارى قانىبەك جۇماشەۆتىڭ, وبلىستىق دەنساۋلىق ساقتاۋ باسقارماسىنىڭ باستىعى رۋسلان بەكتىباەۆتىڭ, اقتاۋ قالاسىنىڭ اكىمى ەدىگە ءجاڭبىرشيننىڭ, «جورعا» ءانسامبىلىنىڭ جەتەكشىسى سەرىك ساريەۆتىڭ, اقتاۋ قالاسىنىڭ پروكۋرورى تالعات ايتباەۆتىڭ, اقتاۋ قالاسى اكىمىنىڭ ورىنباسارى راحات ەلتىزاروۆتىڭ, قالالىق ءماسليحاتتىڭ حاتشىسى مارات مولداعۇلوۆتىڭ سۋرەتتەرىن كورسەتىپ, ولاردىڭ كىم ەكەندىكتەرىن سۇراعان. سوندا كوپشىلىگى سۋرەتتەگى تۇلعالاردى ناقتىلاپ اتاپ بەرە الماعان.
بۇل نەنى بىلدىرەدى؟ لاۋازىمدى تۇلعالاردىڭ حالىق اراسىندا ءجيى بولمايتىنىن با, الدە جۇرتتىڭ بيلىكتەگىلەردىڭ كىمدەر ەكەنىنە قىزىقپايتىنىن با؟
سۇلتان بوزايعىروۆ.
{youtube}4VOb1Fg5b8Q{/youtube}