سەنبى كۇنى «اش-شاباب» تەرروريستىك ۇيىمىنىڭ سودىرلارى كەنيا استاناسى نايروبيدەگى «ۋەستەيت» ساۋدا ورتالىعىن جاۋلاپ الىپ, 30-عا جۋىق ادامدى تۇتقىنعا العان. بۇل تۋرالى يتار-تاسس حابارلادى.
قارۋلانعان توپ عيمارات ىشىنە باسىپ كىرىپ, ادامدارعا وق اتا باستاعان. رەسمي دەرەكتەرگە سۇيەنسەك, وقيعا سالدارىنان كەم دەگەندە 68 ادام قازا تاۋىپ, 300-گە جۋىعى جاراقات العان. ولاردىڭ اراسىندا اۆستراليا, ۇلىبريتانيا, گانا, ءۇندىستان, كانادا, قىتاي, گوللانديا, جاڭا زەلانديا, پەرۋ, اقش, فرانتسيا مەن وڭتۇستىك افريكا رەسپۋبليكاسىنىڭ ازاماتتارى بار.بۇگىن كەنيا اسكەرىنىڭ وكىلى, پولكوۆنيك سيرۋس وگۋنا ساۋدا ورتالىعىنداعى سودىرلاردىڭ قولىندا ونعا جۋىق تۇتقىن قالعانىن حابارلادى.
اتالعان لاڭكەستىك ارەكەتكە جاۋاپكەرشىلىك العان «اش-شاباب» ۇيىمى بۇل شابۋىلدى سومالي اۋدانىنداعى كەنيا قارۋلى كۇشتەرى جۇرگىزگەن اسكەري وپەراتسياعا جاۋاپ رەتىندە قاراستىرادى.
ايدار ورىسباەۆ.