ءحVى عاسىردىڭ باسى قازاق حاندىعىنىڭ نىعايۋ كەزەڭى بولدى. بۇل ۋاقىتتا شايبان ۇرپاقتارى ونى قۇلاتۋ ماقساتىمەن بىرنەشە جورىقتار ۇيىمداستىردى. 1510 ج. مۇحاممەد شايباني حاننىڭ قازاقتارعا قارسى ۇلكەن جورىعى ۇيىمداستىرىلدى.
ول باسىندا ءساتتى بولعانىمەن شايبان ۇرپاقتارىنىڭ اسكەرلەرىن قاسىم حان اسكەرلەرى تالقاندادى. بۇل جورىق مۇحاممەد شايبانيدىڭ قازاقتارعا قارسى سوڭعى جورىعى بولدى. 1510-1520/21 جىلدار قازاق حاندىعىنىڭ قاسىم حان تۇسىنداعى داۋىرلەۋ كەزەڭى بولىپ تابىلادى. 1521 ج. قاسىم حان ولگەننەن كەيىن قازاق مەملەكەتىنىڭ السىرەۋ كەزەڭى باستالدى, كورشىلەستەرمەن بولعان سوعىستاردا حاندىق كەيبىر جەرلەرى مەن ادامداردان ايىرىلدى. 1537 ج. سانتاش شايقاسىندا قازاقتار موعول-وزبەك اسكەرلەرىنەن ۇلكەن جەڭىلىس تاپتى. تەك ءحVى ع. 50-ءشى جىلدارى بيلىككە قاسىمنىڭ ۇلى حاقنازار حاننىڭ كەلۋىمەن قازاق مەملەكەتتىگى قايتا نىعايا باستادى. حاقنازار حان مەن شىعايدىڭ از ۋاقىت باسقارۋىنان كەيىن, تاۋەكەل حان قازاق حاندىعىن نىعايتۋدى جالعاستىردى. 1589/99 جج. ول ورتا ازياعا شايبان ۇرپاقتارىنا قارسى جورىق جاساپ, جەتىستىكتەرگە جەتتى. وسىنداي ءبىر شايقاستاردا تاۋەكەل حان جاراقات الىپ, قايتىس بولادى.