ۇلى وتان سوعىسى قاتىسۋشىلارىنا 1 ملن تەڭگە كولەمىندە بىرجولعى ماتەريالدىق كومەك بەرىلدى. بۇل تۋرالى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ەرلان اۋكەنوۆ ايتتى.
«قازاقستاننىڭ بارلىق وڭىرلەرىندە ۇلى وتان سوعىسىنىڭ (ۇوس) قاتىسۋشىلارى مەن مۇگەدەكتەرىنە 1 ملن تەڭگە كولەمىندە بىرجولعى ماتەريالدىق كومەك كورسەتىلدى. جالپى سوعىس كەزىندە مايدانعا 1 ملن 200 مىڭنان استام قازاقستاندىق شاقىرىلعان, 20-دان استام اتقىشتار ديۆيزياسى مەن باسقا دا قۇرامالار قۇرىلعان ەدى. جاۋىنگەرلىك ەرلىكتەرى ءۇشىن مىڭداعان قازاقستاندىق مەدالدارمەن جانە وردەندەرمەن ماراپاتتالدى, 500-گە جۋىق ادام كەڭەس وداعىنىڭ باتىرى اتاندى. ءتورت قازاقستاندىق ەكى مارتە باتىر اتاندى, 110 قازاقستاندىق ءۇش دارەجەلى داڭق وردەنىمەن ماراپاتتالدى» دەدى ۆيتسە-مينيستر.