بۇگىن قاراعاندى وبلىسىندا ەكى ادامنىڭ كوروناۆيرۋس ينفەكتسياسىن جۇقتىرعانى بەلگىلى بولدى, دەپ حابارلادى وبلىس اكىمىنىڭ ءباسپاسوز قىزمەتى.
پاتسيەنتتەردىڭ ءبىرى قاراعاندىنىڭ 1991 جىلى تۋعان تۇرعىنى بولسا, ەكىنشىسى شاحتينسك قالاسىندا تۇراتىن 48 جاستاعى ايەل ادام. ناۋقاستاردىڭ ەكەۋى دە ينفەكتسيالىق ستاتسيونارعا جاتقىزىلدى.
مامىردىڭ 5-ىنە دەيىن كەلىپ تۇسكەن مالىمەتكە ساي, قاراعاندى وبلىسىندا COVID-19 ىندەتىن جۇقتىرۋدىڭ 161 وقيعاسى تىركەلگەن. ونىڭ ىشىندە 3 ناۋقاس كوز جۇمدى جانە 77 ادام اۋرۋدان جازىلىپ شىقتى.
قاراعاندى وبلىسى