بۇگىن قاراعاندى وبلىسىندا كوروناۆيرۋس ينفەكتسياسىن جۇقتىرعان ءبىر ناۋقاس قايتىس بولدى, دەپ حابارلادى وبلىس اكىمىنىڭ ءباسپاسوز قىزمەتى.
مارقۇمنىڭ جاسى 62-دە, شكحتينسك قالاسىنىڭ تۇرعىنى. ول 5 ءساۋىر كۇنى وكپەنىڭ قابىنۋى دياگنوزىمەن پروۆيزورلىق گوسپيتالعا تۇسكەن ەكەن. ال 14 ساۋىردە COVID-19 ىندەتى جانە ەكى جاقتى پنەۆمونيا دياگنوزىمەن اۋىر حالدە نۇر-سۇلتان قالاسىنىڭ اۋرۋحاناسىنا اۋىستىرىلعان.
پاتسيەنت 19 تاۋلىك بويى ەم الىپتى. دارىگەرلەر ناۋقاستىڭ ءومىرىن اراشالاپ قالۋ ءۇشىن قولدان كەلگەن ارەكەتتىڭ ءبارىن جاساعانىنا قاراماستان, 3 مامىر كۇنى ول قايتىس بولدى.
جالپى, قاراعاندى وبلىسىندا كوروناۆيرۋس ينفەكتسياسىن جۇقتىرۋدىڭ 154 وقيعاسى تىركەلگەن. ونىڭ ىشىندە ىندەتتەن ەكى ادام قايتىس بولدى جانە 68 پاتسيەنت ەمدەلىپ شىقتى.