تۇركىستان وبلىسىندا ەكى اۋدانعا جاڭا اكىم تاعايىندالدى

تۇلكىباس اۋدانىن باسقارۋ سەنىمى ارتىلعان نۇرلان بايعۇت وسى اۋداننىڭ تۋماسى, 1974 جىلى تۋعان. ءبىلىمى جوعارى, ينجەنەر-ەكونوميست. ەڭبەك جولىن 1997 جىلى شىمكەنت قالاسى بويىنشا سالىق كوميتەتى جەكە تۇلعالارعا سالىق سالۋ ءبولىمىنىڭ سالىق ينسپەكتورى بولىپ باستاعان. 1998-2005 جىلدار ارالىعىندا وبلىستىق مەكەمەلەردە جاۋاپتى قىزمەتتەردى اتقارعان. ال 2005 - 2017 جىلدارى وڭتۇستىك قازاقستان وبلىسى, تۇلكىباس جانە تولەبي اۋداندارى اكىمدەرىنىڭ ورىنباسارى, وبلىستىق قۇرىلىس باسقارماسىنىڭ باستىعى, وبلىس اكىمى اپپاراتى ۇيىمداستىرۋ-ينسپەكتورلىق بولىمىندەگى وبلىس اكىمىنىڭ باس ينسپەكتورى بولدى. 2016-2018 جىلدارى تۇركىستان وبلىسى جولاۋشىلار كولىگى جانە اۆتوموبيل جولدارى باسقارماسىنىڭ باسشىسى بولىپ ەڭبەك ەتتى. 2019 جىلدان بەرى تۇركىستان وبلىسى كاسىپكەرلىك جانە ساۋدا باسقارماسىنىڭ باسشىسى قىزمەتىن اتقارعان.

ال ورداباسى اۋدانىنىڭ اكىمى بولىپ تاعايىندالعان نۇربول تۇراشبەكوۆ بۇعان دەيىن تۇلكىباس اۋدانىن باسقارعان بولاتىن. نۇربول ءابدىساتتار ۇلى 1980 جىلى تولەبي اۋدانىندا تۋعان. ماماندىعى ينجەنەر-ەكونوميست. ەڭبەك جولىن 2001 جىلى ورداباسى اۋدانىندا جەر كاداستر بيۋروسىنان باستاعان. 2002 جىلى ورداباسى اۋداندىق جەر-كاداسترلىق بيۋروسىنىڭ مەڭگەرۋشىسى, 2009 جىلى سايرام جەر-كاداسترلىق بيۋروسىنىڭ ديرەكتورى, 2010 جىلى «وڭتۇستىك قازاقستان جەرگە ورنالاستىرۋ عىلىمي-وڭدىرىستىك ورتالىعى» ەنشىلەس مەملەكەتتىك كاسىپورنىنىڭ ديرەكتورى, 2012 جىلى (استانا قالاسى) «جەرگە ورنالاستىرۋ عىلىمي-وڭدىرىستىك ورتالىعى» رەسپۋبليكالىق مەملەكەتتىك كاسىپورنى باس ديرەكتورىنىڭ ءبىرىنشى ورىنباسارى قىزمەتىنە تاعايىندالعان. 2016 جىلدىڭ ءساۋىر ايىنان باستاپ «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ «جەر كاداسترى عىلىمي-وندىرىستىك ورتالىعى» ديرەكتسياسى ديرەكتورىنىڭ ورىنباسارى, «جەر كاداسترى جانە جىلجىمايتىن م ۇلىكتى تەحنيكالىق تەكسەرۋ» ديرەكتسياسى مەملەكەتتىك جەر كاداسترى باسقارماسىنىڭ باسشىسى لاۋازىمىن اتقارعان. ال 2017 جىلدان بەرى تۇلكىباس اۋدانىنىڭ اكىمى لاۋازىمىن اتقارىپ كەلگەن.