2020 جىلدىڭ 2-8 مامىر ارالىعىندا قازاقستان ايماعىنىڭ باسىم بولىگى ماسكەۋ اۋداندارىنان تسيكلوننىڭ ىقپالىندا بولادى. وسىعان بايلانىستى, نايزاعاي ويناپ, ەكپىندى جەل تۇرىپ, بۇرشاق جاۋى مۇمكىن: وڭتۇستىكتە – داۋىلمەن; شىعىستا, وڭتۇستىكتە جانە وڭتۇستىك-شىعىستا – كەي جەرلەردە قاتتى جاڭبىر كۇتىلەدى. بۇل تۋرالى «قازگيدرومەت» رمك ءباسپاسوز قىزمەتى حابارلادى.
شىعىس-قازاقستان, الماتى, تۇركىستان جانە جامبىل وبلىستارىنىڭ تاۋلى جانە تاۋ بوكتەرىندەگى اۋداندارىندا وزەندەردە سۋ دەڭگەيىنىڭ كوتەرىلۋى جانە بۇيىرىلىك اعىننىڭ قالىپتاسۋى كۇتىلەدى.
قازاقستانعا ارالىقتىڭ ورتاسىندا جاڭا جەر ارالىنان سۋىق انتيتسيكلون تارالادى. ونىڭ كەلۋىمەن جاۋىن-شاشىننىڭ توقتاتىلۋى, سونداي-اق اۋا تەمپەراتۋراسىنىڭ تۇنگى ساعاتتاردا مينۋسقا دەيىن تومەندەۋى كۇتىلەدى. ارالىقتىڭ سوڭىندا وڭتۇستىكتەن جىلى اۋا ماسسالارىنىڭ شىعارىلۋىمەن تەمپەراتۋرالىق فوننىڭ جوعارىلاۋى كۇتىلەدى.
قازاقستاننىڭ كوپتەگەن وبلىستارىندا كوكتەمگى سۋ تاسۋ ارالىعى اياقتالدى. تەك سولتۇستىك-قازاقستان جانە شىعىس-قازاقستان وبلىستارىندا سۋ تاسۋ ارالىعى مامىر ايىنىڭ ءبىرىنشى ونكۇندىگىنە دەيىن جالعاسادى.
سونداي-اق اقمولا وبلىسىنىڭ وزەندەرىندە كوكتەمگى سۋ تاسۋ شىڭى ءوتتى. نۇرا جانە ەسىل وزەندەرى دەڭگەيىنىڭ ودان ءارى اۋىتقۋى بولجانۋدا, بۇل وزەندەردىڭ جوعارعى جاعىنا قاراي جىلجۋ تولقىنى ەسەبىنەن بولادى.