ەلوردا اكىمى التاي كولگىنوۆ كەزەكتى رەت ازاماتتاردى ونلاين-فورماتتا قابىلدادى. قالا تۇرعىندارى تۇرعىن ءۇي باعدارلامالارىنا قاتىسۋ, الەۋمەتتىك كومەك الۋ, تۇرعىن ءۇي كوممۋنالدىق شارۋاشىلىعى, ءوز ءىسىن اشۋ (انتيسەپتيكتەر ءوندىرىسى) ماسەلەلەرىن كوتەردى.
سونىمەن بىرگە, ازاماتتار قۇرىلىسى ۇزاققا سوزىلعان نىسانداردى اياقتاۋ ماسەلەسىن كوتەردى. بيىل ەلوردادا قۇرىلىسى ۇزاققا سوزىلعان ءۇي سانى سانى 20-عا ازايادى. 8 مىڭعا جۋىق ۇلەسكەر ءوز پاتەرلەرىن الادى. وتكەن جىلى 2,5 مىڭ ۇلەسكەرى بار 10 تۇرعىن ءۇي كەشەنى پايدالانۋعا بەرىلدى.
ءاربىر ۇلەستىك قۇرىلىس نىسانى بويىنشا قادامدىق ءىس-شارالار جوسپارى ازىرلەندى. ازاماتتاردى ونلاين-فورماتتا قابىلداۋ تۇراقتى نەگىزدە وتكىزىلەدى. سۇراقتاردىڭ ءبىر بولىگى سول جەردە شەشىلدى, قالعاندارى جوسپارعا الىندى.