تۇركىستان وبلىسىندا كارانتيندىك رەجيم جەڭىلدەتىلگەن بولاتىن. بۇل ورايدا توتەنشە جاعداي تالاپتارىن ساقتاۋ, قاداعالاۋ ماڭىزدى. تۇركىستان - كەنتاۋ بلوك-بەكەتىندە وبلىس ورتالىعىنان كەنتاۋ قالاسىنا باعىت العان جولاۋشىلاردىڭ رۇقساتناما قاعازدارى جۇيەلى تۇردە تەكسەرىلمەيدى جانە بەكەتتەن تىسقارى ايماقتان ءوتىپ جاتقان قوزعالىسقا باقىلاۋ جۇرگىزىلمەيدى.
سىبايلاس جەمقورلىققا قارسى ءىس-قيمىل اگەنتتىگىنىڭ تۇركىستان وبلىسى بويىنشا دەپارتامەنتى جۇرگىزگەن مونيتورينگتىك باقىلاۋ جۇمىستارى كەزىندە وسىنداي كەمشىلىكتەر انىقتالعان. بۇل بويىنشا پوليتسيا جانە اسكەري قىزمەتكەرلەرگە ەسكەرتۋ جاسالىپ, رەجيمگە سايكەس جۇمىس اتقارۋ بويىنشا بىرقاتار ۇسىنىستار ايتىلدى. دەسە دە, باقىلاۋ جۇمىستارى بارىسىندا دەپارتامەنت باسشىسىنىڭ ءبىرىنشى ورىنباسارى ميراس قارعاباي باستاعان مونيتورينگتىك توپ مۇشەلەرى مەديتسينا ماماندارى مەن ءتارتىپ ساقشىلارىنىڭ جانە اسكەري قىزمەتكەرلەردىڭ قالا تۇرعىندارىنىڭ ساۋلىعى جولىندا قاس قاقپاي قىزمەت ەتىپ جاتقاندىعىنا كوز جەتكىزدى.
سونداي-اق تۇركىستان قالاسى اكىمدىگىندە ورنالاسقان سيتۋاتسيالىق ورتالىققا بارىپ, بەينەباقىلاۋ كامەرالارى ارقىلى قالا اۋماعىندا قويىلعان بارلىق بلوك-بەكەتتەردىڭ جۇمىس ىستەۋ ءتارتىبى مەن تالاپتاردىڭ قاتاڭ ساقتالۋ بارىسىمەن تانىستى.
تۇركىستان وبلىسى