بۇل تۋرالى Nur Otan پارتياسى توراعاسىنىڭ ءبىرىنشى ورىنباسارى باۋىرجان بايبەك Facebook جەلىسىندەگى پاراقشاسىندا جۇرتشىلىقتى قازاقستان حالقىنىڭ بىرلىگى كۇنىمەن قۇتتىقتاعان جازباسىندا ايتتى.
«قادىرلى دوستار, بارشاڭىزدى قازاقستان حالقىنىڭ بىرلىگى كۇنىمەن شىن جۇرەكتەن قۇتتىقتايمىن. بۇل مەرەكە – تۇڭعىش پرەزيدەنت نۇرسۇلتان نازارباەۆ نەگىزىن سالعان حالقىمىزدى ۇيىستىرۋ يدەياسىنىڭ جارقىن كورىنىسى. قاشاندا بىرلىك, كەلىسىم جانە ءوزارا قۇرمەت – ەلىمىزدىڭ تابىستى دا ورنىقتى دامۋىنىڭ بەرىك تۇعىرى.
بۇگىندە ەلباسىنىڭ تاپسىرماسى بويىنشا «Nur Otan» پارتياسى مەملەكەت باسشىسى قاسىم-جومارت توقاەۆتىڭ باستاماسىمەن قولعا الىنعان بىرەگەي شارالارعا اتسالىسىپ, بۇعان قوسىمشا مۇقتاج قازاقستاندىقتارعا اتاۋلى كومەك كورسەتۋدى جالعاستىرىپ جاتىر.
قازىردىڭ وزىندە 98 مىڭنان استام وتباسى ازىق-ت ۇلىك جيىنتىعى مەن انتيسەپتيكالىق زاتتار الدى. بۇدان بولەك 100 مىڭ وتباسى تەگىن ماسكامەن قامتاماسىز ەتىلدى.
ەلباسى نۇرسۇلتان نازارباەۆتىڭ باستاماسىمەن قۇرىلعان «Birgemiz» قورى وسى اپتادا قازاقستان حالقىنىڭ بىرلىگى كۇنى قارساڭىندا تاعى 210 مىڭ وتباسىعا 50 مىڭ تەڭگەدەن بىرجولعى تولەم جاساپ, كومەك كورسەتۋدىڭ ەكىنشى كەزەڭىن اياقتادى. وسىلايشا, ەلىمىزدە 360 مىڭنان استام مۇقتاج وتباسى تىكەلەي قارجىلىق كومەك الدى. وتباسى مۇشەلەرىن قوسقاندا, بۇل شامامەن 1 ملن. قازاقستاندىقتى قامتيدى.
ەلباسى ءوز قۇتتىقتاۋىندا اتاپ كورسەتكەندەي, «حالقىمىزدىڭ ىرىس-ىنتىماعى تاريح پەن تاعدىر سىيى ەمەس, ارقايسىمىزدىڭ ەرەن ەڭبەگىمىز بەن زور جاۋاپكەرشىلىگىمىزدىڭ ناتيجەسى».
حالقىمىزدىڭ بىرلىگى مەن ىنتىماعى, ءوزارا قولداۋى مەن ءور رۋحىنىڭ ارقاسىندا ءبىز كەز كەلگەن قيىندىقتى, ونىڭ ىشىندە قازىرگى داعدارىستى دا ەڭسەرەتىنىمىزگە سەنىمدىمىن. «Nur Otan» پارتياسى نۇرسۇلتان نازارباەۆتىڭ باسشىلىعىمەن بۇعان بار كۇشىن سالادى.
بارشاڭىزعا مىقتى دەنساۋلىق, تولاعاي تابىس, وتباسىلارىڭىزعا اماندىق جانە باق-بەرەكە تىلەيمىن!» - دەدى باۋىرجان بايبەك.