ءتورت مىڭنان استام كولىكتى ونلاين تىركەدى

ەسكە سالايىق, 26 ناۋرىزدان باستاپ قازاق­ستانداعى حالىققا قىزمەت كورسەتۋ ور­تالىقتارى مەن اۆتوحقو جۇمىسى توقتا­تىلعان بولاتىن. ەل تۇرعىندارى مەم­لەكەتتىك قىزمەتتەردى تەك ەلەكتروندى ۇكىمەت پورتالىندا الا الادى.

ء«بىز مامانداندىرىلعان حقو-لار جا­بىلعاننان كەيىن ازاماتتار اراسىندا پورتال ارقىلى كولىك قۇرالدارىن قايتا تىركەۋ قىزمەتى سۇرانىسقا يە بولمايدى دەپ بولجادىق. سەبەبى ءالى دە ازامات­تار­دىڭ كوپشىلىگى كولىكتى اۆتوحقو-دا تىر­كەۋدى ءجون كورەدى. بىراق ستاتيستيكا كور­سەتكەندەي, قازاقستاندىقتار تو­تەنشە جاع­داي كەزىندە دە كولىك ساتىپ الىپ, ونى وزدىگىنەن قايتا تىركەۋگە قويا الادى», دەدى «ازا­ماتتارعا ارنالعان ۇكى­مەت» مەملەكەتتىك كورپوراتسياسىنىڭ باس­قارما ءتورايىمى اسەمگۇل بالتاشەۆا.

كولىكتەردى قايتا تىركەۋ قىزمەتى egov.kz پورتالىندا «كولىك جانە كوممۋنيكاتسيالار» بولىمىندە قولجەتىمدى. ونى ونلاين رەجىمىندە الۋ ءۇشىن ساتۋشى ەتسق-نى پايدالانىپ,

egov.kz پورتالىنا كىرىپ, ساتىلاتىن كولىك تۋرالى اقپاراتتى ەنگىزىپ, ايىپپۇلدار مەن سالىقتار بويىنشا بەرەشەكتى تەكسەرۋگە سۇ­رانىس جىبەرۋى كەرەك. ەگەر بار بولسا, ەلەكتروندى ۇكىمەت پورتالى ارقىلى تولەپ, وتىنىشكە ەتسق-مەن قول قويادى. وسىدان كەيىن ساتىپ الۋشى ەلەكتروندى ۇكىمەت پورتالىنداعى جەكە كابينەتىندەگى وتىنىشپەن تانىسا الادى, وندا ايىپپۇلداردى تەكسەرىپ بولعاننان كەيىن مەملەكەتتىك ءنومىر جانە تەحپاسپورت ءۇشىن ءتيىستى الىمدار مەن تىركەۋ جارناسىن تولەۋى ءتيىس. ساتىپ الۋشى مامىلەنى ءوزىنىڭ ەلەكتروندى تسيفرلى قولتاڭباسىمەن راستايدى. كەيىن اۆتوحقو-عا تەك دايىن بولعان ءنومىر مەن تەح­نيكالىق تولقۇجاتتى الىپ كەتۋ ءۇشىن بارادى.