سىبايلاس جەمقورلىققا قارسى ءىس-قيمىل اگەنتتىگىنىڭ تۇركىستان وبلىسى بويىنشا دەپارتامەنتى باستاماسىمەن وبلىس ورتالىعىندا ورنالاسقان بىرقاتار ساۋدا ورىندارىنداعى الەۋمەتتىك ماڭىزى بار تاۋارلاردىڭ باعا تۇراقتىلىعىنا مونتيورينگتىك باقىلاۋ جۇمىستارى جۇرگىزىلدى.
قۇرامىندا دەپارتامەنت باسشىسىنىڭ ءبىرىنشى ورىنباسارى ميراس قارعاباي, Nur Otan پارتياسى وبلىستىق فيليالىنىڭ باقىلاۋ جونىندەگى ينسپەكتورى اسقار ەركىنبەكوۆ پەن «تۇركىستان – ادالدىق الاڭى» جوبالىق كەڭسەسىنىڭ مەنەدجەرلەرى, قوعام بەلسەندىلەرى, باق وكىلدەرى بار مونيتورينگتىك توپ قالا تۇرعىندارى ءجيى باس سۇعاتىن «شاپاعات», «داستارحان» ءىرى ساۋدا ورتالىقتارىنا بارىپ, ازىق-ت ۇلىك ونىمدەرىنىڭ باعا تۇراقتىلىعىنا زەردەلەۋ جۇمىستارىن جۇرگىزدى.
ۇن, كۇرىش, كۇنباعىس مايى سىندى تاۋارلار بەكىتىلگەن تۇراقتى شەكتى باعامەن ساتىلىمعا شىعارىلىپ جاتقانىمەن بىرقاتار كەمشىلىكتەر دە انىقتالدى. ماسەلەن, حالىق ءجيى تۇتىناتىن 9 ءتۇرلى ازىق-ت ۇلىك تاۋارلارىنىڭ (ۇن, نان, ماكارون, كۇرىش, سيىر ەتى, تاۋىق جۇمىرتقاسى, كۇنباعىس مايى, اس تۇزى, قاراقۇمىق جارماسى) شەكتى باعاسى كورسەتىلگەن نۇسقاۋلىقتاردىڭ كوپشىلىكتىڭ كوزى تۇسەتىن ورىنداردا ورنالاستىرىلماعاندىعى جانە كىشى ازىق-ت ۇلىك دۇكەندەرىندە شەكتى باعادان ءوسىرۋ دەرەكتەرىنىڭ كەزدەسكەندىگى ءمالىم بولدى. بۇل ورايدا جەكە كاسىپكەرلەرگە ەسكەرتۋ جاسالىپ, ساۋدا نىسانىنداعى الەۋمەتتىك ماڭىزى بار ازىق-ت ۇلىكتەر بەكىتىلگەن شەكتىك باعاعا كەلتىرىلدى.
دەپارتامەنت حالىققا قاجەتتىلىگى جوعارى تاۋارلاردى نەگىزسىز وسىرۋگە جول بەرمەۋ ماقساتىندا قوعامدىق باقىلاۋدى تۇراقتى تۇردە جۇرگىزىپ تۇرماق.
تۇركىستان وبلىسى