بيىلدىڭ 3 ايىندا سىبايلاس جەمقورلىققا قارسى ءىس-قيمىل اگەنتتىگى تۇركىستان وبلىسى بويىنشا دەپارتامەنتىنىڭ جەدەل ىزدەستىرۋ ءىس-شارالارى ناتيجەسىندە, سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە جالپى سانى 69 قىلمىس تىركەلگەن. ونىڭ 46-سى سىبايلاس جەمقورلىق قىلمىسى.
بۇل تۋرالى دەپارتامەنت باسشىسىنىڭ ءبىرىنشى ورىنباسارى ميراس قارعاباي 2020 جىلدىڭ 1 توقسانى قورىتىندىلانعان ءباسپاسوز كونفەرەنتسياسىندا ءمالىم ەتتى. سونداي-اق, م.قارعاباي وتكەن جىلى بيۋدجەت قاراجاتىن جىمقىرۋ دەرەگى بويىنشا – 11 قىلمىس تىركەلگەنىن جانە جىل باسىنان بەرى انىقتالعان قىلمىستاردىڭ سانى 32-گە جەتكەندىگىن ايتتى. انىقتالعان قىلمىستاردىڭ نەگىزىندە مەملەكەتكە 508,7 ملن تەڭگە زالال كەلتىرىلگەن. ونىڭ 502,9 ملن تەڭگەسى (98,9%) مەملەكەت بيۋدجەتىنە قايتارىلۋ ارقىلى تولىعىمەن وندىرىلگەن.
ءباسپاسوز كونفەرەنتسياسىندا م. قارعاباي اگەنتتىكپەن بەكىتىلگەن باسىم باعىتتار بويىنشا, ونىڭ ىشىندە مەملەكەتتىك باعدارلامالارعا بولىنگەن بيۋدجەت قاراجاتىن ىسىراپ ەتۋ, جۇيەلى سىبايلاس جەمقورلىق دەرەكتەرىن انىقتاۋ, لاۋازىمدى تۇلعالار تاراپىنان شاعىن جانە ورتا كاسىپكەرلىك بيزنەسىنە زاڭسىز ارالاسۋ, كولەڭكەلى ەكونوميكاعا لاۋازىمدى تۇلعالار تاراپىنان قامقورشىلىق جاساۋ دەرەكتەرىن انىقتاۋدا دەپارتامەنت جەدەل قىزمەتىنىڭ جەكە قۇرامى جۇيەلى جۇمىس جۇرگىزۋدە ەكەنىن اتاپ ءوتتى.
تۇركىستان وبلىسى