تۇركىستان وبلىسىندا مەملەكەت باسشىسىنىڭ تاپسىرماسى بويىنشا تاعايىندالعان 42500 تەڭگە كولەمىندەگى جاردەماقىنى 430 مىڭنان استام تۇرعىن العان. بۇل كورسەتكىش وسە تۇسەرى ءسوزسىز, ياعني وتىنىمدەر بويىنشا جۇمىس جالعاسۋدا.
بيىلعى 1 توقساندا 1-6 جاس ارالىعىنداعى 25125 بالاعا ازىق-ت ۇلىك جانە گيگيەنالىق توپتاماسى بەرىلدى. جالپى وبلىس بويىنشا اتاۋلى الەۋمەتتىك كومەك الۋشىلاردىڭ سانى 19,8 مىڭ وتباسى نەمەسە 111,9 مىڭ ادام بولعان.
ال Nur Otan پارتياسىنىڭ ء«بىز بىرگەمىز!» اكتسياسى بويىنشا 8236 وتباسىعا ازىق-ت ۇلىك جەتكىزىلگەن. ەلباسى ن.نازارباەۆتىڭ باستاماسىمەن قۇرىلعان «Birgemiz» قوعامدىق قورى ارقىلى تۇركىستان قالاسىنىڭ 4903 تۇرعىنىنا 50 مىڭ تەڭگەدەن اۋدارىلعان. ايعا جۋىق ۋاقىت ارالىعىندا پارتيا فيليالىنا 3 مىڭعا جۋىق ءوتىنىش كەلىپ ءتۇسىپتى. ونىڭ 1772-ءسى وڭتايلى شەشىلگەن. الايدا الەۋمەتتىك كومەكتەرگە قاتىستى حابارلاسىپ, سۇراق قويۋشىلار قاتارى ءالى دە كوپ. بۇل جايت Nur Otan پارتياسى وبلىستىق فيليالىنىڭ ءوڭىر تۇرعىندارىنا ارناپ ۇيىمداستىرعان تىكەلەي ەفير كەزىندە ءمالىم بولىپ وتىر. پارتيا فيليالىنىڭ الەۋمەتتىك جەلىلەردەگى رەسمي پاراقشالارىندا جۇرتشىلىق مەملەكەت جانە وبلىس اكىمدىكتەرى تاراپىنان كورسەتىلىپ جاتقان كومەكتەر مەن پارتيانىڭ ء«بىز بىرگەمىز!» اكتسياسى تۋرالى ماعلۇمات الىپ, وزدەرىن مازالاعان سۇراقتارىن قويدى. ولاردىڭ ساۋالدارىنا پارتيا فيليالى توراعاسىنىڭ ءبىرىنشى ورىنباسارى بەيسەنباي تاجىباەۆ, وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى ءاسيا تەمىرباەۆا مەن تۇركىستان وبلىسى بويىنشا «مەملەكەتتىك الەۋمەتتىك ساقتاندىرۋ قورى» اق فيليالى ديرەكتورىنىڭ مىندەتىن اتقارۋشى داۋرەن بايىربەكوۆ جاۋاپ بەردى.
تىكەلەي ەفير بارىسىندا 200-دەن استام سۇراق قويىلىپ, 70-تەن استام جەلى قولدانۋشىسى ءوز پاراقشالارىنا بولىسكەن. پارتيا فيليالى ءباسپاسوز قىزمەتىنىڭ مالىمەتىنشە, ەفيردى 2 مىڭعا جۋىق ادام تاماشالاپ, ماعلۇمات الىپتى. سۇراقتاردىڭ باسىم بولىگى مەملەكەت تاراپىنان بەرىلەتىن الەۋمەتتىك كومەكتەر, 42500 تەڭگە جاردەماقى, ء«بىز بىرگەمىز!» اكتسياسى اياسىنداعى ازىق-ت ۇلىك جانە 50 مىڭ تەڭگەگە قاتىستى قويىلعان. اتاۋلى الەۋمەتتىك كومەك الۋ, جاردەماقىلارعا قۇجات تاپسىرۋ ماسەلەلەرى بويىنشا شاعىمدار دا بولدى. سپيكەرلەر تۇرعىنداردىڭ سۇراقتارىنا سول مەزەتتە جاۋاپ بەرسە, بىرقاتارى بويىنشا ءتيىستى جۇمىس جۇرگىزىلمەك. پارتيا فيليالى الداعى ۋاقىتتا تۇرعىندار تاراپىنان سۇراق كوپ تۇسەتىن باسقارما باسشىلارىن قاتىستىرىپ, ونلاين قوعامدىق قابىلداۋدى جالعاستىرۋدى جوسپارلاپ وتىر.
تۇركىستان وبلىسى