اباي اتىنداعى قازاق ۇلتتىق پەداگوگيكالىق ۋنيۆەرسيتەتى 90 جىلدان اسا تاريحى بار, ەلدىڭ ءبىرىنشى جوعارى وقۋ ورنى. تاياۋ كەلەشەكتە پوستكەڭەستىكتە پەداگوگيكالىق ءبىلىم بەرۋ سالاسى مەن XXI عاسىر مۇعالىمدەرىنىڭ دايىندايتىن جوو-نىڭ كوشباسشىسى بولىپ تابىلادى.
پەداگوگيكا, وقىتۋ ادىستەمەسى جانە وقىتۋ تەحنولوگيالارى سالاسىنداعى وزىق زەرتتەۋلەردىڭ ناتيجەلەرىن ۇزدىك ءبىلىم بەرۋ باعدارلامالارىنا اينالدىرا, مۇعالىم ماماندىعىنىڭ بەدەلىن ارتتىرا وتىرىپ, ۋنيۆەرسيتەت بۇگىنگى تاڭدا ەل دامۋىنىڭ قۋاتتى قوزعاۋشى كۇشىنە اينالىپ وتىر.
قازىرگى ۋاقىتتا جاس ماماندارعا قويىلاتىن مىندەت, زامان تالاپتارىنا جانە ەكونوميكانىڭ قاجەتتىلىكتەرىنە سايكەس وتە جوعارى. ءبىلىم بەرۋدىڭ ساپاسى مەن قولجەتىمدىلىگى ەلدىڭ باسەكەگە قابىلەتتىلىگىنىڭ نەگىزگى فاكتورى بولىپ تابىلادى.
وسىعان بايلانىستى بىلىكتى, باسەكەگە قابىلەتتى كادرلاردى دايارلاۋدى جۇزەگە اسىرۋ ءۇشىن, دۋالدى وقىتۋ جۇيەسىن قولدانۋ كەرەك. بۇنداي وقىتۋ جۇيەسى الەمدىك دەڭگەيدە كەڭىنەن قولدانىلادى. قازاقستاندا ءبىراز ۋاقىتتان بەرى دۋالدى وقىتۋدى ءبىلىم بەرۋ جۇيەسىنە ەنگىزۋ ۇدەرىسى ءجۇرىپ جاتىر. دۋالدى وقىتۋ جۇيەسى ارقىلى تۇلەكتەردىڭ جۇمىسقا ورنالاسۋ مۇمكىنشىلىكتەرى كۇن ساناپ ارتۋدا, ويتكەنى ءبىتىرۋشى جاس تۇلەكتەر جۇمىس بەرۋشىنىڭ تالاپتارىنا تولىق جاۋاپ بەرۋدە.
ءدۋالدى جۇيە وقۋ ۇردىسىندە تەوريالىق جانە پراكتيكالىق دايىندىقتى ۇيلەستىرۋگە مۇمكىندىك بەرەدى. ءبىلىم الۋمەن قاتار ستۋدەنتتەر تاڭداعان ماماندىعىن تىكەلەي مەكتەپتەردە پراكتيكالىق تۇردە ءۇشتاستىرادى. پراكتيكا مەن تەوريالاردىڭ الماسۋى بارلىق وقۋ پروتسەسى بارىسىندا جالعاسىپ وتىرادى. تاجىريبەلىك دايىندىق ءرولىنىڭ ارتۋىنىڭ ارقاسىندا, بولاشاق ماماندار مەكتەپتەگى پروبلەمالاردى وقۋ بارىسىندا پروفەسسور-وقىتۋشىلارمەن بىرگە تالقىلاۋدا.
اباي اتىنداعى قازۇپۋ-ءنىڭ XXI عاسىردىڭ پەداگوگيكالىق كادرلارىن دايىنداۋ ءۇشىن, اتاپ ايتقاندا جاراتىلىستانۋ جانە گەوگرافيا ينستيتۋتىنىڭ حيميا كافەدراسىندا پەداگوگيكالىق پراكتيكاعا ءدۋالدى وقىتۋ ەلەمەنتتەرى ەنگىزىلدى. 5ۆ011200-حيميا ماماندىعى بويىنشا ءبىتىرۋشى كۋرس ستۋدەنتتەرى 2019 جىلدىڭ 16 قىركۇيەگى مەن 2020 جىلدىڭ 20 ءساۋىرى ارالىعىندا جالپى ءبىلىم بەرەتىن مەكتەپتەردە ساباقتان قول ۇزبەي پەداگوگيكالىق پراكتيكادان ءوتتى. دۋالدى وقىتۋدى پەداگوگيكالىق پراكتيكاعا ەنگىزۋ ءتيىمدى وقىتۋ بولىپ شىقتى, وندا پراكتيكادان ءوتۋ كەزەڭى جۇمىس وتىلىنە قوسىلادى جانە ەڭ باستىسى جۇمىسقا ورنالاستىرۋدىڭ وڭتايلى شارتتارىن شەشتى.
وقۋدان الشاقتاماي پەداگوگيكالىق پراكتيكادان ءوتۋ جانە وقۋ جىلىنىڭ قىركۇيەك ايىنان ءساۋىر ايىنا دەيىن ۇزاق ۋاقىت بويى ۋنيۆەرسيتەت قابىرعالارىندا العان بىلىمدەرىن وقۋ بازالارىندا, كاسىپورىندار مەن عىلىمي-زەرتتەۋ ۇيىمدارىندا جۇزەگە اسىرۋعا, وقۋ بازالارىندا سول ماماندىققا بەيىمدەلۋگە مۇمكىندىك بەرەدى, ويتكەنى جۇمىس ورنىندا ولاردىڭ ءبىلىم ساپاسى قىزمەتتىك مىندەتتەردى ورىنداۋمەن تىكەلەي بايلانىستى.
اباي اتىنداعى قازۇپۋ-ءنىڭ جاراتىلىستانۋ جانە گەوگرافيا ينستيتۋتىنىڭ حيميا كافەدراسىندا ەنگىزىلەتىن مامانداردى دايارلاۋدىڭ ءدۋالدى جۇيەسى تەوريا مەن تاجىريبە اراسىنداعى الشاقتىقتى جويدى; ءبىلىم الۋدا جوعارى داعدىلاردى قالىپتاستىردى. جۇمىستا ءبىلىم, مەكەمە وكىلدەرىمەن تىعىز بايلانىستا جۇمىس جاسايدى, وقۋ كەزىندە بولاشاق ماماندارعا قويىلاتىن تالاپتاردى ەسكەرەدى. بۇل, بىتىرگەن تۇلەكتەردى كەپىلدى جۇمىسقا ورنالاستىرۋعا ىقپالىن جاسادى.
قورىتا كەلگەندە, اباي اتىنداعى قازۇپۋ-ءنىڭ ءبىلىم بەرۋ ۇدەرىسىنە دۋالدى ءبىلىم بەرۋدى ەنگىزۋ ءبىلىم, بىلىك جانە داعدىلاردىڭ ساپاسىن ارتتىرۋعا ىقپال ەتەدى, سونىڭ ناتيجەسىندە بىلىكتى دە سۇرانىسقا يە مامان قالىپتاسادى.
اباي اتىنداعى قازۇپۋ حيميا كافەدراسىنىڭ مەڭگەرۋشىسى جازيرا مۇقاتاەۆا, تاربيە ءىسى جونىندەگى ديرەكتور ورىنباسارى نۇرلان ماناپوۆ, حيميا كافەدراسىنىڭ وقىتۋشىسى نۇرسۇلۇ جۇسىپبەكوۆا ۇسىنعان ماتەريالدا دۋالدى ءبىلىم العان مامان بىلىكتى ءارى سۇرانىسقا يە بولا الاتىندىعى ايتىلادىۋنيۆەرسيتەت تۇلەكتەرىنىڭ جۇمىسقا ورنالاسۋى, بولاشاق تالاپكەرلەردىڭ ماماندىق تاڭداۋداعى ويلارىنا ىقپال ەتىپ, بولاشاق ستۋدەنتتەر جوو-نىڭ پەداگوگيكالىق باعىتتاعى ماماندىعىن ماقساتتى تۇردە تاڭداي الادى.
الماتى