توتەنشە جاعداي كەزەڭى 11 مامىرعا دەيىن ۇزارتىلاتىنى حابارلانعان مالىمدەمەسىندە مەملەكەت باسشىسى قاسىم-جومارت كوكتەمنىڭ جۇرتقا قولايلى كەزەڭىندە ساياجاي يەلەرى دە قاتتى الاڭداپ وتىرعانىن ايتقان بولاتىن. وسى ورايدا تۇركىستان قالاسىنىڭ اكىمى راشيد ايۋپوۆ كارانتين كەزەڭىندە قالاعا كىرىپ شىعۋ جانە ىشكى قوزعالىس ءۇشىن رۇقساتناما الۋ تىزىمىنە ساياجايعا بارۋ جانە تۇرعىن ۇيدەن 150 مەتر راديۋستا سەرۋەندەۋ مۇمكىندىكتەرى قوسىلعانىن جاريا ەتتى.
«ساياجايعا بارۋعا جۇما-جەكسەنبى كۇندەرى ساعات 06/00-10/00 جانە ساعات 17/00-19/00 ارالىعىندا رۇقسات ەتىلگەن. ول ءۇشىن الدىن الا ونلاين تىركەلۋ بارىسىندا: شىعاتىن - باراتىن مەكەنجايدى, كولىك مالىمەتتەرىن, مەنشىك يەسى قۇقىن راستايتىن قۇجاتتى جازۋىڭىز قاجەت. ساياجاي يەسى مەنشىكتىك قۇقىن راستايتىن قۇجاتتى وزىمەن الا جۇرۋگە مىندەتتى. ءبىر كولىك ىشىندە, جۇرگىزۋشىنى قوسقاندا, ادام سانى 3-تەن اسپاۋ كەرەك. ءاربىرىنىڭ جەكە كۋالىگى بولۋى جانە بەتپەردە تاعۋى قاتاڭ قاداعالانادى. سەرۋەنگە تاڭعى التى مەن تۇنگى ونعا دەيىن رۇقسات ەتىلە, ءبىر ساعاتتىق شەكتەۋ قويىلعان. جەكە كۋالىگىڭىزدى الا شىعۋدى, اراقاشىقتىقتى ساقتاۋدى جانە ءۇش ادامنان ارتىق جينالماۋدى ۇمىتپاعايسىزدار. باسقا ۇيگە قوناققا بارۋعا جانە ەرتەرەكتە جاريالانعان شارالاردى بۇزۋعا بولمايدى», دەلىنگەن قالا اكىمىنىڭ حابارلاماسىندا.
تۇركىستان وبلىسى