اتىراۋ وبلىسىنداعى «قارا التىن» وندىرىلەتىن كەن ورىندارىنىڭ قاتارىندا «قاشاعان» دا بار.
بۇل –كاسپي تەڭىزىنىڭ قازاقستاندىق سەكتورىندا اشىلعان ءىرى كەنىش.
ونى يگەرۋ جوباسىنىڭ وپەراتورى – NCOC كومپانياسى. تەڭىز مۇنايى 2016 جىلدان بەرى جاساندى ارالداردا وندىرىلەدى.
– بىلتىر «قاشاعان» كەن ورنىنان وندىرىلگەن 14,1 ميلليون توننادان استام مۇناي ەكسپورتتالدى. سونداي-اق, شەتەل نارىعىنا جىبەرىلگەن گاز كولەمى 3,5 ميللياردتان اسا تەكشە مەتردى قۇرادى. ال ەكسپورتتالعان كۇكىرت 1 ميلليون 207 مىڭ توننادان استى, - دەپ حابارلادى NCOC كومپانياسىنىڭ ءباسپاسوز قىزمەتى.