توتەنشە جاعدايدى قامتاماسىز ەتۋ جونىندەگى جەدەل شتابتىڭ حابارلاۋىنشا, اتىراۋ وبلىستىق اۋرۋحاناسىنىڭ باس دارىگەرى سايىن شوميروۆ قىزمەتىنەن ۋاقىتشا بوساتىلدى.
وبلىستىق دەنساۋلىق ساقتاۋ باسقارماسىندا مەديتسينالىق مەكەمەدە كوروناۆيرۋس ينفەكتسياسىنىڭ تارالۋىنا جول بەرىلۋى فاكتىسىنە وراي كوميسسيا قۇرىلدى. بۇعان دەيىن, 8 ساۋىردە باس دارىگەردىڭ شەشىمىمەن ناۋقاستار مەن دارىگەرلەردىڭ كوروناۆيرۋس ينفەكتسياسىن جۇقتىرۋىنا بايلانىستى اۋرۋحانا كارانتينگە جابىلىپ ەدى. ال, 31 ناۋرىزدا قاۋىپتى ىندەتتى جۇقتىرعان مەديتسينالىق قىزمەتكەرلەر اراسىندا 10 دەرەك, ناۋقاستاردان 12 دەرەك انىقتالدى.
–ارنايى كوميسسيا اۋرۋحانا باسشىلىعىنىڭ Covid-19 ينفەكتسياسىن جۇقتىرۋدىڭ العاشقى جانە كەيىنگى فاكتىلەرىن تىركەۋ كەزىندەگى ءىس-ارەكەتىن تەكسەرۋدە. كوميسسيا جۇمىسىنىڭ ناتيجەسىمەن باس دارىگەردى قىزمەتىنەن ۋاقىتشا بوساتۋ نەمەسە قىزمەتىنەن بوساتۋ تۋرالى شەشىم قابىلدانادى,- دەپ حابارلادى جەدەل شتاب.