قر پرەزيدەنتىنىڭ توتەنشە جاعداي مەن كارانتين ۋاقىتىندا تۇرعىنداردىڭ كوممۋنالدىق قىزمەتكە تولەيتىن اقىسىنىڭ مولشەرىن ازايتۋ بويىنشا جۇيەلى شارالار ازىرلەۋ تۋرالى تاپسىرماسى اياسىندا قۇرىلعان «سommunal-komek.kz» ەلەكتروندى پورتالىنا 12470 شىمكەنتتىك تۇرعىنداردان وتىنىش تۇسكەن.
ال پورتالدا كورسەتىلگەن اۋداندار بويىنشا بايلانىس نومىرلەرىنە اتالعان كومەك بويىنشا كەڭەس سۇراپ 243 تۇرعىن حابارلاسقان.
ايتا كەتەيىك, تولەمدى الۋ ءۇشىن تۇتىنۋشى «communal-komek.kz» ەلەكتروندى پورتالىنا كىرىپ, وندا كورسەتىلگەن ساناتقا ەنەتىن ازاماتتىڭ جەكە سايكەستىندىرۋ ءنومىرىن تەرۋ قاجەت. كومەك الۋشىنىڭ جسن-ءىن تەكسەرگەن كەيىن پورتال رۇقسات بەرگەن جاعدايدا ارى قاراي جالعاستىرىپ, قاجەتتى مالىمەتتەردى (الەۋمەتتىك دارەجەڭىزدى جانە دەربەس شوت دەرەكتەرىڭىزدى) ەنگىزەسىز.
جاۋاپتى ماماندار ۇسىنىلعان دەرەكتەردى تەكسەرىپ, مالىمەتتەر راستالعان جاعدايدا كوممۋنالدىق قىزمەتتەر تۇتىنۋشىسىنىڭ دەربەس (ابونەنتتىك) شوتىنا قارجى اۋدارادى.
كومەك كورسەتۋ ءساۋىر جانە مامىر ايلارىن قامتيدى.
شىمكەنت