بوكس. ۇستىمىزدەگى جىلعى قازان ايىندا الماتىدا ەرەسەكتەر اراسىندا وتەتىن الەمدىك باسەكەگە قاتىساتىن ەلدەردىڭ ءتىزىمى بەلگىلى بولدى. حالىقارالىق اۋەسقوي بوكس قاۋىمداستىعىنىڭ حابارلاۋىنشا, 14-26 قازان كۇندەرi وتەتىن چەمپيوناتقا 118 ەلدەن شامامەن 600 بوكسشى قاتىسادى. جاھاندىق جارىس الماتى قالاسىندا بالۋان شولاق اتىنداعى سپورت سارايىندا وتەدى.
بوكس. ۇستىمىزدەگى جىلعى قازان ايىندا الماتىدا ەرەسەكتەر اراسىندا وتەتىن الەمدىك باسەكەگە قاتىساتىن ەلدەردىڭ ءتىزىمى بەلگىلى بولدى. حالىقارالىق اۋەسقوي بوكس قاۋىمداستىعىنىڭ حابارلاۋىنشا, 14-26 قازان كۇندەرi وتەتىن چەمپيوناتقا 118 ەلدەن شامامەن 600 بوكسشى قاتىسادى. جاھاندىق جارىس الماتى قالاسىندا بالۋان شولاق اتىنداعى سپورت سارايىندا وتەدى.
ۆەلوسپورت. استانادا قازاقستان چەمپيوناتى وتۋدە. بيىل چەمپيوناتقا قازاقستاننىڭ بارلىق وڭىرلەرى مەن استانا جانە الماتى قالالارىنىڭ كوماندالارى قاتىسۋدا. وندا جالپى سانى 100-دەن استام سپورتشى جارىسۋدا. جارىس كۇن سايىن ساعات 15.00-دە, ال 14 قىركۇيەكتە ساعات 10.00-دە باستالادى. ماراپاتتاۋ ءراسىمى جانە جارىستىڭ جابىلۋ سالتاناتى ساعات 13.00-دە وتەدى. چەمپيونات «سارىارقا» رەسپۋبليكالىق ۆەلوترەگىندە ءوتىپ جاتىر.
حوككەي. استانا قالاسىنىڭ «بارىس» حوككەي كلۋبى قۇرلىقتىق حوككەي ليگاسىنىڭ شىعىس كونفەرەنتسياسىندا كوش باستاپ كەلەدى. العاشقى ەكى ويىندا قارسىلاستارىن ۇتىپ, 6 ۇپاي يەلەنگەن «بارىس» حوككەي كلۋبى قۇرلىقتىق حوككەي ليگاسىنىڭ شىعىس كونفەرەنتسياسىندا ءبىرىنشى ورىنعا كوتەرىلدى. ەكى كەزدەسۋدە «بارىس» قارسىلاستار قاقپاسىنا 15 شايبا سوعىپ, 4 شايبانى جىبەرىپ الدى. بۇل جاعىنان ولار بيىلعى چەمپيوناتتىڭ فاۆوريتتەرى سانالىپ وتىرعان «دينامو-ماسكەۋ» (16-3) جانە «سكا» (16-6) كوماندالارىنا عانا جول بەرىپ تۇر. ەستەرىڭىزگە سالا كەتسەك, «بارىس» العاشقى ەكى ويىنىندا چەرەپوۆەتسكىنىڭ «سەۆەرستال» كومانداسىن 10:1 ەسەبىمەن, ءياروسلاۆلدىڭ «لوكوموتيۆ» كلۋبىن 5:3 ەسەبىمەن جەڭگەن بولاتىن.
كەشە «بارىس» ءوز الاڭىندا سانكت-پەتەربۋرگتىڭ سكا كومانداسىمەن كەزدەستى.
«ەگەمەن-اقپارات».