كەنەسارىنىڭ باس سۇيەگى تۋرالى ىزدەستىرۋدى جالعاستىرۋعا ءتيىستى ۆەدومستۆولارعا تاپسىرما بەرىلدى

رەسەيدىڭ سانكت-پەتەربۋرگ قالاسىندا ساقتاۋلى تۇر دەپ ەسەپتەلىپ جۇرگەن قازاقتىڭ سوڭعى حانى كەنەسارىنىڭ باس سۇيەگىنە قاتىستى ماسەلە قايتا كوتەرىلدى. بۇل پرەمەر-مينيستر سەرىك احمەتوۆتىڭ دەپۋتاتتار ساۋالىنا قايتارعان جاۋابى ارقىلى بەلگىلى بولىپ وتىر.

رەسەيدىڭ سانكت-پەتەربۋرگ قالاسىندا ساقتاۋلى تۇر دەپ ەسەپتەلىپ جۇرگەن قازاقتىڭ سوڭعى حانى كەنەسارىنىڭ باس سۇيەگىنە قاتىستى ماسەلە قايتا كوتەرىلدى. بۇل پرەمەر-مينيستر سەرىك احمەتوۆتىڭ دەپۋتاتتار ساۋالىنا قايتارعان جاۋابى ارقىلى بەلگىلى بولىپ وتىر.

وعان ورالۋعا مىناداي جاعداي سەبەپ بولعان. ءۇستى­مىز­دەگى جىلعى 21 ماۋسىمدا «اق جول» قدپ پارلامەنتتىك فراكتسياسى پرەمەر-ءمينيستردىڭ اتىنا دەپۋتاتتىق ساۋال جولداپ, وندا ۇكىمەت تاراپىنان ارنايى قارجى ءبولىنىپ, كەنەسارىنىڭ باس سۇيەگىن رەسەيدەن الىپ كەلۋدىڭ جايى العا تارتىلعان ەدى. فراكتسيا مۇشەلەرى ءوز جولداۋلارىندا سونداي-اق بەلگىلى تاريحشىلار مەن جازۋشىلاردان ءىستى اتقاراتىن جۇمىس توبى جاساقتالۋى كەرەكتىگىن جەتكىزىپتى.

كۇنى كەشە وسىعان وراي ۇكىمەت باسشىسى ءوزىنىڭ ناقتى جاۋابىن بەردى. پرەمەر-ءمينيستردىڭ جاۋابىندا: «اتالعان ماسەلە ەلىمىزدە جۇزەگە اسىرىلعان «مادەني مۇرا» مەملەكەتتىك باعدارلاماسىنىڭ جانە بۇدان تىس عىلىمي زەرتتەۋلەر شەڭبەرىندە وزەكتى جوبا رەتىندە زەردەلەنگەنى بەلگىلى. مادەنيەت جانە اقپارات, ءبىلىم جانە عىلىم مينيسترلىكتەرى, استانا قالاسىنىڭ اكىمدىگى جۇزەگە اسىرعان ەكسپەديتسيالار, رەسمي سۇراۋ جولداۋ سياقتى شارالاردىڭ ناتيجەسىندە كەنەسارى حاننىڭ باس سۇيەگىنىڭ رەسەيدىڭ ءتيىستى مەكەمەلەرىنىڭ ەكسپوناتتارى قاتارىندا تىركەلمەگەنى تۋرالى مالىمەتتەر الىندى», – دەلىنگەن.

سونىمەن قاتار, سەرىك احمەتوۆ جۇمىس توبىن قۇرۋدان بۇرىن ال­دىڭعى كەزەكتە باس سۇيەكتىڭ ورنا­لاس­قان ورنىن انىقتاۋ بويىنشا عىلىمي زەردەلەۋ جۇمىستارىن جاڭعىرتۋ ءجون ەكەندىگىن جەتكىزىپتى. ءوز جاۋابىندا سەرىك نىعمەت ۇلى ءتيىستى ۆەدومستۆولارعا ۇلتتىق تاريحتى زەردەلەۋ شارالارىنىڭ شەڭبەرىندە ۇسىنىسقا قولداۋ كور­سەتۋ تۋرالى تاپسىرما بەرىلگەنىن حابار­لادى.

راسىندا دا ءدال قازىر كەنە­سا­رى­نىڭ باس سۇيەگىنىڭ ناقتى قاي­دا جاتقانىن ەشكىم بىلمەيدى. ءازىر­گە ول ەرميتاجدا نەمەسە كۋنست­كا­مە­رادا تۇر دەگەن ەكى ءتۇرلى بولجام بار. دەمەك, ەندىگى ءبىرىنشى مىندەت وسى ءتۇيىندى تارقاتىپ الۋ بولماق.

مۇرات ايتقوجا.