جاڭالىقپەن اقتاۋداعى «ماڭعىستاۋ-ادالدىق الاڭى» جوبالىق كەڭسەسىندە وتكەن جيىندا وڭىرلىك جولاۋشىلار كولىگى جانە اۆتوموبيل جولدارى باسقارماسىنىڭ باسشىسى بولات ەرەجەپوۆ ءبولىستى, دەپ حابارلايدى «جول اكتيۆتەرى ۇلتتىق ساپا ورتالىعى» رمك ماڭعىستاۋ وبلىستىق فيليالى ءباسپاسوز قىزمەتى.
ونىڭ ايتۋىنشا, ماڭعىستاۋ, تۇپقاراعان جانە بەينەۋ اۋداندارىنا قاراستى اۋىلدارعا كىرمە جول سالۋ جۇمىستارى جۋىق ارادا باستالادى دەپ كۇتىلۋدە.
- شايىر اۋىلىنىڭ تۇرعىندارىنىڭ قۋانا بەرۋىنە بولادى. ويتكەنى, كىرمە جولدىڭ جوقتىعى سوڭعى جىلدارى ءجيى كوتەرىلىپ جۇرگەن ماسەلەنىڭ ءبىرى. قازىرگى تاڭدا جالپى ۇزىندىعى 2,8 شاقىرىمدىق تراسسانى سالۋعا قاجەت قارجى قارالىپ تۇر. ماڭعىستاۋ اۋدانىنىڭ اكىمدىگى كونكۋرس ويناتۋى كەرەك. جەڭىمپاز مەردىگەر انىقتالعان سوڭ جول قۇرىلىسى باستالۋى كەرەك, - دەدى ول.
سونداي-اق وسى اۋدانعا قاراستى جارمىش اۋىلىنا دا ۇزىندىعى ەكى شاقىرىمدىق كىرمە جول بيىل سالىنۋى ءتيىس. ورتالىق ەلدى مەكەن - شەتپەدەن شىعابەرىستەگى ۇزىندىعى 0,21 شاقىرىم, قاراقيا اۋدانىنىڭ ەرالى ستانتسياسىنا 12,5 شاقىرىمدىق كىرمە جولدار سالىنادى. ءدال وسىنداي جوبا بەينەۋ اۋدانىنىڭ سىڭعىرلاۋ اۋىلى مەن تۇپقاراعانداعى قىزىلوزەن اۋىلىندا تاياۋ ارادا جۇزەگە اسا باستايدى دەپ كوزدەلگەن.
ايتا كەتەيىك, اتالعان تراسسالاردىڭ بارلىعى بىردەي كەڭەستىك كەزەڭدە سالىنعان. ۋاقىتىندا جوندەۋ كورمەگەن سوڭ توزىعى جەتىپ, كولىكتىڭ جۇرۋىنە جارامسىز جاعدايدا تۇر. ەندى ولار قالپىنا كەلتىرىلەتىن بولدى. ءتيىستى قاراجات شەشىلگەن.
ەندى وسى كىرمە جولدار تيەسىلى ەلدى مەكەن اكىمدىكتەرى كونكۋرس ويناتىپ, مەردىگەر مەكەمەلەر انىقتالادى. مۇنان سوڭ جۇمىس باستالادى. ءوز كەزەگىندە مەملەكەت قارجىسى بولىنگەن بۇل جوبالار دا جول ساپاسىن باقىلاۋشىلاردىڭ ءجىتى نازارىندا بولادى دەگەن ءسوز.
سالۋ كەزىندە كەمشىلىكتەر انىقتالعان جاعدايدا ونى تۇزەتۋ ءبىرىنشى كەزەكتە مەردىگەرگە جۇكتەلەدى.