پرەمەر-ءمينيستردىڭ 2020 جىلعى 27 ناۋرىزداعى وكىمىمەن بەكىتىلگەن جۇمىسپەن قامتۋدىڭ جول كارتاسى شەڭبەرىندە قازاقستاندا 6,5 مىڭ ينفراقۇرىلىمدىق جوبا بويىنشا بولىنەتىن 255 مىڭ جاڭا جۇمىس ورنىن اشۋ جوسپارلانۋدا دەپ حابارلايدى ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى.
جاڭا جۇمىس ورنىنىڭ كوپ بولىگى (26 مىڭ جۇمىس ورنى) الماتى قالاسىندا اشىلماق. ال تۇركىستان وبلىسىندا 21,9 مىڭ, الماتى وبلىسىندا 21 مىڭ جاڭا جۇمىس ورنى اشىلادى دەپ جوسپارلانعان.
قىزمەتكەرلەردىڭ كەمىندە جارتىسى حالىقتى جۇمىسپەن قامتۋ ورتالىقتارى ارقىلى جۇمىسقا الىنادى. باسىمدىق جۇمىسسىز جاستارعا بەرىلمەك. جۇمىسپەن قامتۋدىڭ جول كارتاسى ينفراقۇرىلىمدىق جوبالارىن ىسكە اسىرۋ تومەندەگى 4 نەگىزگى باعىت بويىنشا وتەدى:– الەۋمەتتىك-مادەني وبەكتىلەردى كۇردەلى جانە اعىمداعى جوندەۋ, رەكونسترۋكتسيالاۋ جانە سالۋ ء(بىلىم بەرۋ, دەنساۋلىق ساقتاۋ, الەۋمەتتىك قامسىزداندىرۋ, مادەنيەت, سپورت, دەمالىس جانە ت. ب. وبەكتىلەر);– تۇرعىن ءۇي-كوممۋنالدىق شارۋاشىلىق وبەكتىلەرىن كۇردەلى, ورتاشا جانە اعىمداعى جوندەۋ, رەكونسترۋكتسيالاۋ (سۋمەن جابدىقتاۋ, كارىز, گازبەن, جىلۋمەن, ەلەكترمەن جابدىقتاۋ جۇيەلەرى);– ينجەنەرلىك-كولىك ينفراقۇرىلىمىن كۇردەلى, ورتاشا جانە اعىمداعى جوندەۋ, رەكونسترۋكتسيالاۋ جانە سالۋ (اۆتوموبيل جولدارى, تروتۋارلار, بوگەتتەر, دامبالار مەن كوپىرلەر, ارنالار, سۋ شارۋاشىلىعى وبەكتىلەرى مەن قۇرىلىستارى);– ەلدى مەكەندەردى اباتتاندىرۋ (اۋلالاردى اباتتاندىرۋ, كوشەلەردى, ساياباقتاردى, سكۆەرلەردى جارىقتاندىرۋ جانە كوگالداندىرۋ, يەسىز وبەكتىلەردى بۇزۋ جانە ت. ب.).جقجك باعىتتارىن جۇزەگە اسىرۋعا بارلىعى 1 ترلن تەڭگە بيۋدجەت قاراجاتى ءبولىندى, ونىڭ 37%-ى (373 ملرد.تەڭگە) قۇرىلىس جۇمىستارىنا, 19%-ى (182 ملرد. تەڭگە) – كۇردەلى جوندەۋ جۇمىستارىنا, 31%-ى (308 ملرد. تەڭگە) اعىمداعى جانە ورتاشا جوندەۋ جۇمىستارىنا, 16%-ى (127 ملرد. تەڭگە) نىساندار مەن قۇرىلىستاردى رەكونسترۋكتسيالاۋعا جۇمسالادى.
كۇردەلى, ورتاشا جانە اعىمداعى جوندەۋ, رەكونسترۋكتسيالاۋ جۇمىستارى رەسپۋبليكالىق نەمەسە كوممۋنالدىق مەنشىكتەگى وبەكتىلەر بويىنشا جۇرگىزىلەدى. ينفراقۇرىلىمدىق جوبالاردى ىرىكتەۋدى جانە جۇمىستاردى ىسكە اسىرۋدى جەرگىلىكتى اتقارۋشى ورگاندار ەسەپتەلگەن قارجىلاندىرۋ ليميتتەرىن جانە جۇمىستاردىڭ ءتيىستى قۇجاتتاماسىنىڭ بولۋىن نەگىزگە الا وتىرىپ جۇزەگە اسىرادى.
جوبالاردىڭ باسىم بولىگىن الماتى وبلىسىندا (977), شقو (813), جامبىل (690) جانە قاراعاندى (625) وبلىستارىندا ىسكە اسىرۋ جوسپارلانۋدا.
جوبا اياقتالعاننان كەيىن 15,2 مىڭ تۇراقتى جۇمىس ورنىن قۇرۋ جوسپارلانۋدا. ولاردىڭ باسىم بولىگى الماتى قالاسىندا قۇرىلاتىن بولادى – 2 045, الماتى وبلىسىندا – 1 830 جانە تۇركىستان وبلىسىندا – 1 531 جۇمىس ورنى.