قاشاندا ء«بىر جاعادان باس, ءبىر جەڭنەن قول شىعارىپ», يىققا تۇسكەن جۇكتى بىرلەسە كوتەرەتىن حالقىمىز پاندەميا كەزىندە دە ءوزارا كومەكتەن تارتىنىپ قالعان جوق. Biz birgemiz اكتسياسى اياسىندا رەسپۋبليكامىزدىڭ تۇكپىر-تۇكپىرىندە ۆولونتەرلەر شتابى قۇرىلىپ, مۇقتاج جاندارعا, قاريالار مەن زەينەتكەرلەرگە, كوپ بالالى وتباسىلارعا كومەك قولىن سوزۋدا.
كارانتين رەجىمى بەلگىلەنگەن قاراعاندى قالاسىندا بۇگىندە 240 ۆولونتەر جۇمىس ىستەپ جاتىر. Saryarqa Jastary وبلىستىق ۆولونتەرلەر شتابىنىڭ جەتەكشىسى مارعۇلان ءۋالي ۇلى قوعامدىق جۇمىسقا ارالاسىپ, كومەك قولىن سوزعىسى كەلگەن ۆولونتەرلەر ارنايى سايتقا تىركەلىپ, وزدەرى تۋرالى اقپارات قالدىرا الاتىنىن ايتتى. ونىڭ ايتۋىنشا, بۇگىنگىدەي شەكتەۋلەر كەزىندە بۇل ءتاسىل ۆولونتەرلەر ءۇشىن ءتيىمدى كورىنەدى.
«ارنايى سايتقا ءوزى تۋرالى اقپارات قالدىرعان ۆولونتەر تۋرالى دەرەكتەر بىزگە قولجەتىمدى بولادى. ودان كەيىن وبلىستىڭ قاي ايماعىنان, قاراعاندى قالاسىنىڭ قاي اۋدانىنان كومەك سۇراپ حابارلاسقانىنا بايلانىستى سول ادامعا جاقىن تۇراتىن ۆولونتەردى كومەككە جىبەرەمىز. بۇل ۆولونتەرلەردىڭ قاۋىپسىزدىگى ءۇشىن دە, قاجەت كەزدە جىلدام كومەك بەرۋ ءۇشىن دە ىڭعايلى», دەيدى ۆولونتەرلەر جەتەكشىسى.
ۆولونتەرلەر شتابىنا كۇن سايىن مەتسەناتتار مەن دەمەۋشىلەردەن ازىق-ت ۇلىك كەلىپ تۇسەدى. شتاب كۇنىنە 5-6 وتباسىنى ازىق-ت ۇلىكپەن قاتاماسىز ەتىپ ءجۇر. Saryarqa Jastarۋ وبلىستىق ۆولونتەرلەر شتابى ارداگەرلەر, زەينەتكەرلەر, جالعىز باستى قارتتار مەن مۇمكىندىگى شەكتەۋلى جاندارعا جانە كارانتينگە جابىلعان ۇيلەردىڭ تۇرعىندارىنا ازىق-ت ۇلىك, ءدارى-دارمەكتەردى تەگىن جەتكىزۋدە. 7 ساۋىردەن 15 ساۋىرگە دەيىن شتاب ۆولونتەرلەرىنىڭ كومەگىمەن ءوتىنىش بەرگەن 80-نەن اسا وتباسىنا ازىق-ت ۇلىك, ءدارى-دارمەك تەگىن جەتكىزىلىپ, كوممۋنالدىق قىزمەتتەر تولەندى. وعان قوسا ۆولونتەرلەر قوعامدىق ءتارتىپتى دە رەتتەۋگە اتسالىسادى. ماسەلەن, Halyk bank پەن «قازپوشتا» اق بولىمشەلەرىنىڭ الدىندا جاردەماقىعا بايلانىستى كوبەيگەن كەزەكتى رەتتەۋگە كومەكتەستى. «بيپەك اۆتو-ازيا اۆتو» كومپانيالار توبى ۆولونتەرلەردىڭ ءجۇرىپ-تۇرۋى ءۇشىن كولىكپەن قامتاماسىز ەتكەن», دەيدى مارعۇلان ءۋالي ۇلى.
سەرىكتەستەردىڭ قاتارىندا جەرگىلىكتى كاسىپكەرلەر, كومپانيالار مەن مەيرامحانالار بار. اتاپ ايتار بولساق, Vogue مەيرامحاناسى, «900ووو09» اۆتوموبيليستەر كلۋبى, QI Trade Kazakhstan كومپانياسى, «كۋپي ماما» دۇكەنى, قاراعاندى وبلىسى ىسكەر ايەلدەر قاۋىمداستىعىنىڭ مۇشەسى گۇليا جاڭگىروۆانىڭ دەمەۋشىلىگىمەن 50 از قامتىلعان وتباسى ازىق-ت ۇلىك سەبەتتەرى جانە گيگيەنا قۇرالدارىمەن قامتاماسىز ەتىلدى.
جالپى, كارانتين رەجىمى ەنگىزىلگەلى شتاب تەلەفونىنا 700-گە جۋىق ادام حابارلاسىپ, الەۋمەتتىك جەلى ارقىلى 200-دەن استام ءوتىنىش كەلگەن. وبلىستىق ۆولونتەرلەر شتابى دەمالىسسىز جۇمىس ىستەيدى.
«ازامات» قوعامدىق بىرلەستىگى Birgemiz: Bilim – Qaraǵandy جوباسىن ىسكە قوستى.
اتالعان جوبا اياسىندا ارنايى ىرىكتەلگەن ۆولونتەر-مەنتور اۋىل مەكتەپتەرىنىڭ جوعارى سىنىپ وقۋشىلارىنا, ونىڭ ىشىندە جەتىم جانە اتا-انا قامقورلىعىنسىز قالعان, از قامتىلعان, كوپ بالالى وتباسىلاردىڭ بالالارىن جانە مۇگەدەكتىگى بار بالالاردى ۇبت-عا, وليمپيادالارعا جانە عىلىمي-ينتەللەكتۋالدىق كونكۋرستارعا دايىنداپ, اعىلشىن ءتىلىن وقىتۋ, كومپيۋتەرلىك جانە قۇقىقتىق ساۋاتتىلىقتى ارتتىرۋ بويىنشا كۋرستار ۇيىمداستىرادى. جوبا ۇيىمداستىرۋشىلارى كۋرستار قاراعاندى قالاسىندا جانە وبلىستىڭ بارلىق ەلدىمەكەندەرىندە قاراشا ايىنا دەيىن جۇرگىزىلەتىنىن ايتادى. كۋرسقا قاتىساتىن جوعارى سىنىپ وقۋشىلارىن جوبانىڭ ۇيىمداستىرۋشىلارى اۋداندىق ءبىلىم بەرۋ بولىمدەرىمەن جانە جالپى ءبىلىم بەرۋ مەكتەپتەرىمەن بىرلەسىپ انىقتايدى.
سونداي-اق جوباعا قاتىسۋ ءۇشىن ءبىلىم بەرۋ ۇيىمدارىنىڭ وقىتۋشىلارى, جوعارى وقۋ ورىندارى مەن كوللەدجدەردىڭ پەداگوگيكالىق ماماندىقتارىنىڭ ستۋدەنتتەرى مەن قاراعاندى وبلىسىنىڭ بەلسەندى ازاماتتارى اراسىنان كەمىندە 100 ۆولونتەر تاڭداۋ جوسپارلانۋدا.