مەن ءوزىمدى ءوزىم جۇمىسپەن قامتىعان اداممىن. قورادا ازىن-اۋلاق مالىمىز بار. بۇعان دەيىن سونىڭ ءسۇت, ماي, كىلەگەي, قۇرت, ىرىمشىگىن بازارعا ساۋداعا شىعارىپ, ناپاقامىزدى ايىرىپ جۇرگەن ەدىك.
قازىر ەلىمىزدەگى جاعدايعا بايلانىستى ۇيدە وتىرعاندىقتان جۇمىسىم توقتاپ تۇر. بۇل بارشا ەلدىڭ باسىنا تۇسكەن قيىندىق دەپ ويلايمىن. ەلىمىز وسىنداي سىن ساتتە حالىققا كوپتەگەن قولداۋ شارالارىن جاساعانىن بايقاپ وتىرمىز. «كوپپەن كورگەن ۇلى توي» دەگەندەي, بۇل قيىن-قىستاۋ كەزەڭدى دە ەڭسەرەتىنىمىزگە سەنەمىن.
جۋىردا مەملەكەتتىڭ 42 500 تەڭگەلىك كومەگىنە قول جەتكىزدىك. بىلە بىلگەن ادامعا, مۇنىڭ ءوزى اجەپتاۋىر جاردەم. ءسال سابىر ەتسەك, تارتىپكە باعىنساق, قالىپتى تىرشىلىگىمىزگە ورالار كۇن جاقىن دەپ ويلايمىن.
اسەم تىلەۋباەۆا,
كوپ بالالى انا
شىعىس قازاقستان وبلىسى,
ءۇرجار اۋدانى