«قازاقستان بارىسى» قازاق كۇرەسىن دامىتۋ قورىنىڭ قامقورشىلىق كەڭەسىنىڭ توراعاسى ارمان شوراەۆ قاماۋعا الىندى, دەپ حابارلايدى قازاقپارات ءتىلشىسى.
قالالىق پوليتسيا دەپارتامەنتىنىڭ ءباسپاسوز قىزمەتىنىڭ حابارلاۋىنشا, وعان قاتىستى قر قك 274-بابىنىڭ 4-بولىمىمەن تج كەزىندە جالعان اقپارات تاراتتى دەگەن باپپەن قىلمىستىق ءىس قوزعالعان.
ارمان شوراەۆ الەۋمەتتىك جەلى ارقىلى بىرنەشە رەت شىندىققا ساي كەلمەيتىن جالعان اقپارات تاراتقان. پوليتسيانىڭ حابارلاۋىنشا, ول ءوز ارەكەتىمەن تج كەزىندە قوعامدىق ءتارتىپتى بۇزىپ, قوعام مەن مەملەكەتتىڭ زاڭ ارقىلى قورعالاتىن مۇددەسىنە نۇقسان كەلتىرگەن. ارمان شوراەۆ قر قك 128-بابىنا سايكەس ۇستالىپ ۋاقىتشا وقشاۋلاۋ ورنىنا قامالدى. تەرگەۋ جۇمىستارى جالعاسىپ جاتىر.