توتەنشە جاعداي رەجيمىن قامتاماسىز ەتۋ جونىندەگى وڭىرلىك جەدەل شتابتىڭ حابارلاۋىنشا, كوروناۆيرۋس ينفەكتسياسىنىڭ بەلگىسى بايقالعان ناۋقاستاردى قاداعالايتىن دارىگەرلەر سانىن كوبەيتۋ تۋرالى شەشىم قابىلدانعان.
بۇرىن قاۋىپتى ىندەتتىڭ بەلگىسى بار ادامداردى قاراۋعا جەدەل جاردەمنىڭ 3 بريگاداسى شىققان. ەندى 5 بريگادا شاقىرتۋعا بارادى. ال, دارىگەرلەر سانى 40-قا دەيىن ارتقان.
– دارىگەرلەردىڭ ءبارى ءبىر جانە بىرنەشە رەت پايدالانۋعا بولاتىن كوستيۋمدەرمەن قامتاماسىز ەتىلدى. ولار ىندەت جۇقتىرعان ناۋقاستاردى وقشاۋلاۋ بويىنشا ارنايى كۋرستان وتكەن, - دەيدى وبلىستىق جەدەل جاردەم ستانتسياسىنىڭ باس دارىگەرى ەربول يمانعاليەۆ.
ونىڭ ايتۋىنشا, كۇن سايىن جەدەل جاردەم ستانتسياسىنا 800-گە جۋىق قوڭىراۋ تۇسەدى. ال ناۋقاستاردىڭ شاقىرتۋىنا 25 بريگادا جىبەرىلەدى.
جولداسبەك كوشەرباي ۇلى