اڭ اۋلاۋ ەرەجەلەرىنىڭ تالاپتارىنا سايكەس, قازاقستان اۋماعىندا 7 قىركۇيەكتەن باستاپ سۋدا جۇزەتiن قۇستارعا, تۇياقتى جانۋارلار مەن جىرتقىشتارعا كۇزگى اڭشىلىق ماۋسىمى باستالادى.
قازاقستان اۋماعىندا اڭشىلىق نىساندارىنا قۇستاردىڭ 59 جانە ءسۇتقورەكتىلەردىڭ 34 ءتۇرى جاتقىزىلادى. قولدانىستاعى زاڭناما تالاپتارىنا سايكەس, اڭشىلىق جۇرگىزۋ تەك اڭشىلىق شارۋاشىلىقتار اۋماقتارىندا عانا رۇقسات ەتىلەدى.
قازاقستاننىڭ اڭشىلىق القاپتارىنىڭ جالپى اۋدانى 228 ملن. گا قۇراپ, ونىڭ 120,4 ملن. گا (53,0%) اڭشىلىق شارۋاشىلىقتارىنا قاراستى.
بۇگىنگى كۇنى رەسپۋبليكامىزدا 634 اڭشىلىق شارۋاشىلىقتارى تىركەلگەن. قورىقشىلار سانى 2447 ادامدى قۇرايدى. جانۋارلار ءدۇنيەسىن قورعاۋ شارالارىنا 2103 اۆتوكولىك جانە باسقا دا تەحنيكا جۇمىلدىرىلعان. ەل بويىنشا 130 مىڭنان استام اڭشى تىركەلگەن.
اۋەسقوي (سپورتتىق) اڭ اۋلاۋشى اڭشىدا مىناداي قۇجاتتار بولۋى ءتيىس:
1) اڭشى كۋالىگى;
2)قازاقستان رەسپۋبليكاسىنىڭ سالىق زاڭناماسىندا بەكىتىلگەن اڭشى كۋالىگىن جىل سايىنعى تىركەۋ ءۇشىن تولەنەتىن مەملەكەتتىك باج سالىعىنىڭ تولەنگەنى تۋرالى تۇبىرتەك;
3) جانۋارلار دۇنيەسىن پايدالانۋعا رۇقسات;
4) اڭشىلىق شارۋاشىلىعى سۋبەكتىسىنىڭ جولدامالارى;
5) اڭشىلىق اتىس قارۋىن قولدانىپ اڭ اۋلاعان كەزدە اڭشىلىق اتىس قارۋىن ساقتاۋ جانە الىپ ءجۇرۋ قۇقىعىنا بەرگەن قازاقستان رەسپۋبليكاسى iشكi iستەر ورگاندارىنىڭ رۇقساتى;
5) جىرتقىش قۇستارمەن اڭ اۋلاعان كەزدە بەلگiلەنگەن تارتiپپەن بەرiلگەن تىركەۋ تۋرالى قۇجاتتار.
تۇياقتى جانۋارلار مەن قوڭىر ايۋدى ولجالاۋ قورىقشىنىڭ نەمەسە جانۋارلار دۇنيەسىن قورعاۋ, ءوسىمىن مولايتۋ جانە پايدالانۋ جونىندەگى مەملەكەتتىك ينسپەكتوردىڭ قاتىسۋىمەن جۇرگىزىلۋى ءتيىس. وسى جانۋارلاردىڭ ولجالانعانى تۋرالى بەلگىنى وسى ادامدار جاسايدى.
ەن سالىنعان (ساقينا, ميكروچيپ سالىنعان) قۇستاردى نەمەسە سۇتقورەكتiلەردi ولجالاۋ كەزiندە ولجالاۋدىڭ كۇنi مەن ورنى كورسەتiلگەن اقپارات, ساقينا, ميكروچيپ جانە باسقا دا بەلگiلەر كەيىننەن عىلىم مەن عىلىمي-تەحنيكالىق قىزمەت سالاسىنداعى باسشىلىقتى جۇزەگە اسىراتىن ۋاكiلەتتi مەملەكەتتىك ورگانعا تاپسىرىلۋ ءۇشiن اڭشىلىق شارۋاشىلىعى سۋبەكتىسىنىڭ ۋاكiلەتتi تۇلعاسىنا نەمەسە قورشاعان ورتانى قورعاۋ مينيسترلىگىنىڭ ورمان جانە اڭشىلىق شارۋاشىلىعى كوميتەتىنىڭ وبلىستىق اۋماقتىق بولىمشەلەرىنە بەرىلەدى.
اڭشىلىق جۇرگىزۋ بارىسىندا ءورت قاۋىپسىزدىگى شارالارىن قامتاماسىز ەتىپ, اڭشىلىق القاپتاردىڭ تۇرمىستىق, كاسىپتىك قالدىقتارمەن لاستانۋىنا جول بەرىلمەۋى ءتيىس.
«جانۋارلار دۇنيەسىن قورعاۋ, ءوسىمىن مولايتۋ جانە پايدالانۋ تۋرالى» زاڭ مەن قازاقستان اۋماعىندا اڭ اۋلاۋ ەرەجەلەرىنىڭ تالاپتارىن ورىنداماعان ازاماتتار ەلىمىزدىڭ قىلمىستىق جانە اكىمشىلىكتىك زاڭ بۇزۋشىلىقتار تۋرالى كودەكستەرى بويىنشا جاۋاپكەرشىلىككە تارتىلادى, دەپ حابارلادى قورشاعان ورتانى قورعاۋ مينيسترلىگىنىڭ ءباسپاسوز قىزمەتى.