نۇر-سۇلتاندا ء«بىز بىرگەمىز!» اكتسياسى 40 مىڭ از قامتىلعان وتباسى مەديتسينالىق ماسكالارمەن قامتاماسىز ەتىلەدى. ءار جيىنتىقتا 50 قورعانىس قۇرالى بار. بۇل تۋرالى قالا اكىمدىگىنىڭ رەسمي سايتى حابارلادى.
«جالپى العاندا, Birgemiz قورى ارقىلى قازاقستاننىڭ ءۇش قالاسى – نۇر-سۇلتان, شىمكەنت جانە الماتى قالالارى ءۇشىن 5 ملن. ماسكا ساتىپ الىندى. الماتى مەن نۇر-سۇلتان قالالارىنا ەكى ميلليون ماسكادان بولىنگەن. ەلوردانىڭ 40 مىڭ وتباسىن قامتۋ جوسپارلانۋدا. ءاربىر وتباسىنا 50 ماسكادان تاراتىلادى», - دەدى ە.بەيسەنباەۆ.
بۇل باعىتتاعى جۇمىستار نۇر-سۇلتان قالاسى اكىمدىگىنىڭ جاستار ساياساتى باسقارماسى قولداۋىمەن, ەرىكتىلەر ۇيىمىمەن بىرلەسىپ جۇرگىزىلەدى. بارلىق ەرىكتىلەر ارنايى قورعانىس كوستيۋمدەرىن كيەدى.
«بۇگىن ءبىز ەكى مىڭ وتباسىنا 100 مىڭعا جۋىق ماسكا تاراتۋدى جوسپارلاپ وتىرمىز. ودان ءارى جۇمىس كارانتين بىتكەنشە جالعاسادى», - دەپ اتاپ ءوتتى ە.بەيسەنباەۆ.
ەستەرىڭىزگە سالا كەتەيىك, ء«بىز بىرگەمىز!» اكتسياسى اياسىندا 5 مىڭنان استام وتباسى ازىق-ت ۇلىك سەبەتىمەن جانە گيگيەنا قۇرالدارىمەن قامتىلعان بولاتىن.