نۇر-سۇلتان قالاسى بويىنشا جەدەل شتابتىڭ شەشىمى شىقتى

«ازاماتتىق قورعاۋ تۋرالى» 2014 جىلعى 11 ساۋىردەگى قازاقستان رەسپۋبليكاسىنىڭ زاڭىنا, «قازاقستان رەسپۋبليكاسىندا توتەنشە جاعدايدى ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2020 جىلعى  15 ناۋرىزداعى №285 جارلىعىنا, قازاقستان رەسپۋبليكاسى پرەزيدەنتى جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ ا.ج. 15 ساۋىردەگى حاتتاماسىنا سايكەس الەۋمەتتىك-ەكونوميكالىق تۇراقتىلىقتى قامتاماسىز ەتۋ ماقساتىندا نۇر-سۇلتان قالاسى بويىنشا كارانتين ايماعىنىڭ اۋماعىندا كوروناۆيرۋستىق ينفەكتسيانىڭ تارالۋىنا جول بەرمەۋ جونىندەگى جەدەل شتاب (بۇدان ءارى – شتاب),  توتەنشە جاعدايدى جويۋ باسشىسى بىلاي دەپ شەشتى: 

كارانتين جانە توتەنشە جاعدايدىڭ قولدانىلۋ كەزەڭىندە شتابتىڭ 2020 جىلعى 28 ناۋرىزداعى № 06 شەشىمىنىڭ 1, 4-تارماقتارىندا كوزدەلگەن ۇيىمداردىڭ قىزمەتىن توقتاتا تۇرۋ جانە ادامداردىڭ, جەكە جانە قوعامدىق كولىكتىڭ ءجۇرىپ-تۇرۋى بويىنشا بۇرىن قابىلدانعان شەشىمنىڭ قولدانىلۋ مەرزىمى ۇزارتىلسىن. 2020 جىلعى 20 ساۋىردەگى ساعات 00:00-دەن باستاپ قىزمەتتىڭ كەلەسى تۇرلەرىنە جۇمىس كەستەسىن ساعات 09:00-دەن باستاپ ساعات 18:00-گە دەيىن بەلگىلەپ, كۇشەيتىلگەن سانيتارلىق-ەپيدەميولوگيالىق تالاپتاردى ساقتاي جانە قىزمەتكەرلەردىڭ ورتالىقتاندىرىلعان تاسىپ تاراتىلۋىن ۇيىمداستىرا وتىرىپ, شتابتىڭ 2020 جىلعى 28 ناۋرىزداعى № 06 شەشىمىنە قوسىمشادا كوزدەلگەن قىزمەتتىڭ رۇقسات ەتىلگەن تۇرلەرىنىڭ تىزبەسىمەن تولىقتىرىلسىن: ونەركاسىپتىك كاسىپورىندار; قۇرىلىس كومپانيالارى (جوبالاۋ-ىزدەۋ جۇمىستارى, قۇرىلىس سالاسىنداعى ساراپتاما, ستاندارتتاۋ جانە سەرتيفيكاتتاۋ, اۆتورلىق جانە تەحنيكالىق قاداعالاۋلار, قۇرىلىس ماتەريالدارىن ءوندىرۋ جانە تاسىمالداۋ, ونىڭ ىشىندە جولداردى سالۋ جانە جوندەۋ); كۇشەيتىلگەن سانيتارلىق-ەپيدەميولوگيالىق تالاپتاردى ساقتاي وتىرىپ, جالپى الاڭى كەمىندە 2000 م2 بولاتىن ءىرى قۇرىلىس دۇكەندەرى; كولىك, قاتتاۋ سالاسىنداعى كومپانيالار, اۋىل شارۋاشىلىعى ماقساتىنداعى سەرۆيستىك كومپانيالار; اۆتوسالوندار, اۆتوبولشەكتەر دۇكەندەرى جانە تەحنيكالىق قىزمەت كورسەتۋ ستانتسيالارى (قىزدىرىپ وڭدەۋ, اۆتوجۋ);  حيميالىق تازارتۋ, كىر جۋ قىزمەتتەرى;  ۇيىمداستىرۋ تەحنيكاسىن جوندەۋ.