ەلوردادا قازاقستان مۇسىلماندارى ءدىني باسقارماسىنىڭ باستاماسىمەن قازاقستان, وزبەكستان جانە قىرعىزستان مۇسىلماندارى ءدىني باسقارمالارىنىڭ جاۋاپتى وكىلدەرىنىڭ قاتىسۋىمەن ونلاين جيىن ءوتتى. بۇل تۋرالى muftyat.kz حابارلادى.
جيىنعا وزبەكستان ءدىني باسقارماسى توراعاسىنىڭ ورىنباسارى حوميدجون يشماتبەكوۆ, ءباسپاسوز قىزمەتى ءبولىمىنىڭ مەڭگەرۋشىسى مۋحاممادايۋبحون حوميدوۆ, ءپاتۋا ءبولىمىنىڭ مەڭگەرۋشىسى عۋلومجون حولبوەۆ, سونداي-اق قىرعىزستان مۇسىلماندارى ءدىني باسقارماسى عۇلامالار كەڭەسىنىڭ توراعاسى ابيبيللا كادىربەرديەۆ, ءپاتۋا ءبولىمى مەڭگەرۋشىسى راۆشان ەراتوۆ قاتىستى.
قازاقستان مۇسىلماندارى ءدىني باسقارماسى تاراپىنان جيىنعا قمدب عۇلامالار كەڭەسىنىڭ مۇشەلەرى – شاريعات جانە ءپاتۋا ءبولىمىنىڭ مەڭگەرۋشىسى سانسىزباي قۇربان ۇلى, شاريعات جانە ءپاتۋا ءبولىمىنىڭ مەڭگەرۋشىسىنىڭ ورىنباسارى حاسان امانقۇل, حالال ونىمدەرىن ستاندارتتاۋ ءبولىمىنىڭ مەڭگەرۋشىسى سمايىل سەيىتبەك, ۋاعىز-ناسيحات ءبولىمىنىڭ مەڭگەرۋشىسى باتىرجان مانسۇروۆ, باسپا جانە اۋدارما ءبولىمىنىڭ مەڭگەرۋشىسى مۇرات ابدىحالىق جانە شاريعات جانە ءپاتۋا ءبولىمىنىڭ مامانى مەدەت قۇرساقوۆ قاتىستى.
جيىندا بيىلعى رامازان ايىندا اتقارىلاتىن شارالار, قازىرگىدەي توتەنشە جاعداي كەزىندە ورازا تۇتۋ, تاراۋىق نامازى مەن اۋىزاشاردىڭ اتقارۋ جولدارى, ءپىتىر ساداقا مەن ءپىديا مولشەرىن ەسەپتەۋ, التىن جانە كۇمىستىڭ نيسابىن بەلگىلەۋ ت.ب ماسەلەلەر تالقىلاندى.