قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ “جاڭا ونجىلدىق – جاڭا ەكونوميكالىق ورلەۋ – قازاقستاننىڭ جاڭا مۇمكىندىكتەرى” اتتى قازاقستان حالقىنا جولداۋى انگليانىڭ وكسفورت قالاسىندا ساياساتتانۋ سالاسى بويىنشا عىلىمي جۇمىسپەن اينالىسىپ, ءبىلىمىمىزدى حالىقارالىق تالاپتارعا ساي دامىتىپ جۇرگەن قازاقستاندىق جاستار اراسىندا جان-جاقتىلى تالقىلاندى.
جولداۋداعى “2020 ستراتەگيالىق جوسپارى – كوشباسشىلىققا قازاقستاندىق جول” دەگەن ءۇشىنشى ءبولىمى بەسىنشى تارماعىنداعى “ۇلتارالىق كەلىسىمدى نىعايتۋ, ۇلتتىق قاۋىپسىزدىكتى ارتتىرۋ, حالىقارالىق قارىم-قاتىناستى ودان ءارى دامىتۋ” دەپ ۇلكەن وي تاستايتىن بولىمگە ەرەكشە توقتالعان ءجون. بۇگىندە الەم حالىقتارى ىنتىماقتى, بەيبىت ءومىر ءسۇرۋ ءۇشىن ۇلتارالىق كەلىسىمدى نىعايتۋدى بەرىك ۇستانىپ وتىرعانى ءمالىم. سول كەلىسىمدەردىڭ ءوزى جوعارى دەڭگەيدە ءجۇرۋى, ۇلتتىق قاۋىپسىزدىك تالاپتارىنىڭ بۇلجىتپاي ورىندالۋى ساياساتكەرلەر ءۇشىن وتە ماڭىزدى شارا بولىپ تابىلادى. بۇل ەكى قۇندىلىق ءوز مانىندە ورىندالىپ وتىرسا حالىقارالىق قارىم-قاتىناستار ودان ءارى دامي بەرەتىنى ءسوزسىز. بۇل – بۇگىنگى ۇرپاق, اسىرەسە بىزبەن قاتار شەت ەلدەردە ءبىلىم الىپ جۇرگەن جاستاردىڭ وي-پىكىر, ۇستانىمدارىن ەستىپ, ناقتى ارەكەتتەرىنىڭ كۋاسى بولىپ جۇرگەن سوڭ, ىشكى دۇنيەمنەن شىققان ءادىل ءسوزىم.
نۇرسەيىت نيازبەكوۆ. انگليا, وكسفورد.