ونەرتاپقىش تۇرىكەل سۋلەيمانلى كوپكە جارايتىن ءارى قورعانىسى مىقتى بەتپەردە ويلاپ تاپتى. قازىر ەلدە كوروناۆيرۋستان قورعايتىن رەسپيراتور مەن ماسكالار تاپشى. بۇل تۋرالى حابار 24 ارناسى حابارلادى.
جوبا جەتەكشىسى تۇرگەل سۇلەيمانلىنىڭ ايتۋىنشا, بۇل - ەلەكتروندى نەگىزدە جاسالعان الەمدەگى العاشقى بەتپەردە.
«قازىر قولدانىلىپ جۇرگەندەردىڭ بارلىعى ۆيرۋستارعا قارسى ەمەس, ءوندىرىس ورىندارى مەن اۋاداعى شاڭنان قورعاۋعا ارنالعان. ال مەنىڭ ءونىمىم, ەڭ الدىمەن, ۆيرۋستى جويۋعا باعىتتالعان. ىشىندە ارنايى چيپ پەن باتارەياسى بار» دەيدى ونەرتاپقىش.
جوبا اۆتورلارى مەملەكەتتىك قۇرىلىمدارعا ارىز بەرىپ, ءونىمىن پاتەنتتەپ الماقشى. ەگەر قولداۋ تاپسا, ءوندىرىسىن قولعا الماق.
«قازىر وندىرىستىك نۇسقاسىن دايىنداپ جاتىرمىز. ول پلاستماسسادان جاسالادى, ويتكەنى قولدانعاننان كەيىن دەزينفەكتسيالاۋى وڭاي. كوپكە جارايدى, ماۋسىم بويى پايدالانۋعا بولادى. ونىڭ ەرەكشەلىگى كوروناۆيرۋستان بولەك ادام اعزاسىندعى وزگە دە زياندى ۆيرۋستار مەن باكتەريالارعا قارسى تۇرا الادى» دەيدى تۋرگەل سۋلەيمانلى.
ونەرتاپقىشتار ميكروبيولوگيا جانە جۇقپالى اۋرۋلار سالاسىنداعى ماماندارمەن كەڭەسىپ, ماسكاعا ارنالعان باعدارلامانى دا دايىنداعان.
«قازىر ول چيپپەن جۇمىس ىستەيدى. كەلەشەكتە ونى كىشىرەيتۋدى كوزدەپ وتىرمىز. بەتپەردە ءۇشىن ارنايى باعدارلاما جازدىق» دەيدى جوبا ازىرلەۋشىسى سۋبحان شيحمۋرادوۆ.
ماسكانى بەس ساعات بويى پايدالانۋعا بولادى. ونى تەلەفونعا ارنالعان اداپتەر نە پاۋەربانكتپەن قۋاتتاندىرۋعا بولادى. ال جاڭا قۇرالدىڭ باعاسى 20-30 دوللار توڭىرەگىندە بولماق.