وبلىستىق پوليتسيا دەپارتامەنتى ءباسپاسوز قىزمەتىنىڭ حابارلاۋىنشا, اتىراۋدا توتەنشە جاعداي رەجىمى ەنگىزىلگەننەن بەرى 269 ادام اكىمشىلىك جاۋاپكەرشىلىككە تارتىلعان. ونىڭ ىشىندە 10 ادام توتەنشە جاعداي كەزىندە قۇقىق ءتارتىبىن بۇزۋعا يتەرمەلەيتىن ءىس-ارەكەتتەر جاساعان. ال, 211 ادام توتەنشە جاعداي رەجيمىن بۇزعان. سوت قاۋلىسىمەن 88 ادامعا قاتىستى اكىمشىلىك ايىپپۇل سالىنىپ, 89 ازامات قاماۋعا الىنعان.
«اتىراۋ قالاسىندا 10 ساۋىرگە قاراعان ءتۇنى كوشەدە جۇرگەنى ء ۇشىن 48 ادام اكىمشىلىك جاۋاپكەرشىلىككە تارتىلدى. ولاردىڭ تورتەۋى –شەتەل ازاماتى. سونىڭ ءبىرى اتىراۋدا ۋاقىتشا تۇراتىن تۇركيانىڭ ازاماتى ساعات 23:30-دا مەديتسينالىق ماسكاسىز جۇرگەن. ساعات 00:20-دا تۇركيانىڭ تاعى ءبىر ازاماتىنىڭ كوشەدە ماقساتسىز جۇرگەنى انىقتالدى. كارانتين رەجىمىن بۇزعانداردىڭ اراسىندا وزبەكستان رەسپۋبليكاسىنىڭ ەكى ازاماتى دا بار. قۇقىق بۇزعاندارعا قاتىستى قر اكىمشىلىك قۇقىقبۇزۋشىلىق تۋرالى كودەكستىڭ 476-بابىنىڭ 6-بولىگىمەن تولتىرىلعان حاتتاما ماتەريالدارى سوتقا جولداندى» دەپ حابارلادى وبلىستىق پوليتسيا دەپارتامەنتى ءباسپاسوز قىزمەتى.
سونداي-اق توتەنشە جاعداي تالاپتارىن بۇزۋ فاكتىلەرىمەن 40-تان استام سۋبەكت جاۋاپكەرشىلىككە تارتىلعان. ولاردىڭ اراسىندا 6 كافە, 10 ازىق-ت ۇلىك ەمەس دۇكەن, 9 اسحانا, 3 بۋكمەكەرلىك كەڭسە, 1 فوتوسالون, 2 كومپيۋتەر كلۋبى, 1 شاشتاراز, 1 ساۋنا, 2 كولىك جۋ ورنى بار.
جۇماسات عازيز