مەملەكەت باسشىسى قاسىم-جومارت توقاەۆ توتەنشە جاعداي جونىندەگى مەملەكەتتىك كوميسسيانىڭ وتىرىسىندا مەديتسينا قىزمەتكەرلەرىنىڭ ۆيرۋس جۇقتىرۋىنا الاڭداۋلى ەكەنىن اتاپ ءوتتى.
«مەديتسينا قىزمەتكەرلەرىنىڭ ىندەتتى جۇقتىرىپ جاتقانى الاڭداتىپ وتىر. اۋرۋعا شالدىققان بەس ادامنىڭ بىرەۋى – مەديتسينا قىزمەتكەرى. بۇعان جەكە قورعانىس قۇرالدارىنىڭ جەتىسپەۋشىلىگى جانە قاۋىپسىزدىك شارالارىنىڭ ساقتالماۋى سەبەپ بولۋدا. دارىگەرلەرىمىز ونسىز دا جەتپەي جاتقاندا, بۇعان مۇلدەم جول بەرۋگە بولمايدى. ناۋقاستاردى ەمدەيتىن مەديتسينا قىزمەتكەرلەرىنىڭ ەڭبەك جاعدايىن ەرەكشە باقىلاۋعا الۋ كەرەك. ولار جەكە قورعانىس قۇرالدارىمەن تولىق قامتاماسىز ەتىلۋى ءتيىس. سونداي-اق, دەم الاتىن جانە ۋاقىتشا تۇراتىن جەرلەرىن دە مۇقيات ويلاستىرعان ءجون»,- دەدى پرەزيدەنت ءوز سوزىندە.
ودان بولەك ەل پرەزيدەنتى الدىڭعى شەپتە جۇرگەن پوليتسەيلەر, اسكەري قىزمەتكەرلەر, مەملەكەتتىك ورگاندار قىزمەتكەرلەرى مەن ەرىكتىلەردىڭ قاۋىپسىزدىگىن قامتاماسىز ەتۋ كەرەك ەكەنىنە توقتالدى.