قر قارۋلى كۇشتەرىنىڭ اۋماقتىق اسكەرلەرىن جاساقتاۋ ءۇشىن اسكەري مىندەتتىلەردى ارنايى جيىندارعا شاقىرۋ تۋرالى قك باس شتابى باستىعىنىڭ ورىنباسارى سەرىك بورانباەۆ ايتىپ بەردى.
«بۇگىندە نۇر-سۇلتان, الماتى قالالارىندا جانە الماتى, قىزىلوردا, پاۆلودار, اقمولا وبلىستارىندا ارنايى جيىنداردىڭ بولىمشەلەرى قۇرىلدى. اقتوبە جانە اتىراۋ وبلىستارىندا اسكەري مىندەتتىلەردى شاقىرۋ جالعاسىپ جاتىر. 13 ساۋىردە شىمكەنت قالاسى مەن قاراعاندى وبلىسىندا, 14 ساۋىردە سولتۇستىك قازاقستان وبلىسىندا, 15 ساۋىردە جامبىل, 17 ساۋىردە تۇركىستان وبلىسىندا شاقىرۋ باستالادى», - دەدى س. بورانباەۆ.
ونىڭ ايتۋىنشا, قالعان وبلىستاردا اسكەري جيىنعا شاقىرۋ ماسەلەسى قارالىپ جاتىر.
«باتىس قازاقستان, قوستاناي, ماڭعىستاۋ, شىعىس قازاقستان وبلىستارىندا اسكەري جيىندارعا شاقىرۋ ماسەلەسى قارالىپ جاتىر. جەرگىلىكتى اتقارۋ ورگاندارىنىڭ باسشىلارى جاعدايعا بايلانىستى جيىن وتكىزۋگە قاتىستى وزدەرى شەشىم قابىلدايدى», - دەدى سەرىك بورانباەۆ.