ەلباسىمىزدىڭ دانالىعىنا تاڭعالۋدان جالىعار ەمەسپىن. بۇعان ونىڭ وسىناۋ حالىققا ماقالاسىمەن تانىسۋ بارىسىندا تاعى دا كوز جەتكىزىپ وتىرمىن. قيىن تاريحي كەزەڭدەردە حالقىمىزدىڭ اۋىزبىرشىلىگى, ىنتىماعى مەن دوستىعىن كورىپ وتىرىپ مۇنىمەن قالاي كەلىسپەۋگە بولادى.
ءومىر ءبىزدىڭ تۇتاستىعىمىز بەن ۇيىمشىلدىعىمىزدى تاعى ءبىر سىناعىسى كەلگەن سەكىلدى. ال ءبىز بۇكىل الەمگە ىنتىماقتاستىق, ادالدىق, سەنىمدىلىك, ءوزارا كومەك سياقتى ەڭ قاسيەتتى ۇعىمداردى قالاي باعالايتىنىمىزدى دالەلدەي الدىق.
قيىن كۇندەرى ءبىزدىڭ حالقىمىز ءاردايىم ۇيىمشىل بولا الاتىنىن تاريحشى رەتىندە سەنىممەن ايتا الامىن. جىلنامامىزدىڭ ءار كەزەڭدەرىندە مەملەكەتىمىزدىڭ باسىندا ءبىزدىڭ ەلىمىزدىڭ ازاماتتارى سەنگەن كوشباسشىلار بولعانى بەلگىلى. مىنە, بۇگىندە ەلباسى ءبىزدى جاڭا جەڭىستەرگە, جارقىن بولاشاققا سەنىمدى تۇردە باستاپ كەلەدى. ء«تاجۆيرۋس» اتاۋىمەن كەلگەن كەزەكتى شابۋىلدى دا ەڭسەرەمىز. بۇعان ەشقانداي دا كۇمان بولماۋى ءتيىس.
مەيلى, تابالاۋشىلار ءارتۇرلى «لاقپاشىل» ويلارىن ايتا بەرسىن. ۋاقىت وتە ءبىز ءوزىمىزدىڭ بۇگىنگى كۇرمەۋى قيىن ءتۇيىندى شەشۋدە ەتكەن ەڭبەگىمىز بەن قاجىرلىعىمىزدىڭ جاقسى ناتيجەسىن كورەتىن بولامىز. شىعىس حالقىندا: «شىدامدىلىق – قۋانىشقا باستار جول!» دەگەن قاناتتى ءسوز بار. قيىندىققا مويىماستان تەك العا ۇمتىلۋىمىز كەرەك! ەلباسىمىز مۇنداي قاجىرلىلىق پەن شىدامدىلىققا ءاردايىم شاقىرىپ كەلەدى. «جول جۇرسە قىسقارادى» دەيدى دانا حالقىمىز. ال ءبىز دۇرىس جولدا كەلە جاتقانىمىزعا ەشقانداي كۇمانىمىز جوق. بۇعان ەلباسىمىزدىڭ حالقىنا ۇندەۋىمەن تانىسۋ بارىسىندا تاعى دا كوز جەتكىزىپ وتىرمىن. ء«بىز بىرگەمىز!».
باۋىرجان بايتاناەۆ,
ءا.ح.مارعۇلان اتىنداعى ارحەولوگيا ينستيتۋتىنىڭ ديرەكتورى, ۇعا اكادەميگى