اتىراۋ وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, قالا كوشەلەرىندە جەدەل توپتار مەن جاياۋ ناريادتار تاۋلىك بويى كەزەكشىلىك اتقارادى. كارانتين تالابىنا بايلانىستى اتىراۋ قالاسىنا كىرىپ-شىعۋ شەكتەلدى.
وسىعان بايلانىستى المالى, بەسىكتى, قاراوزەك جانە قاراباتان بلوك-پوستتارى ماڭايىنداعى اينالما جولداردى ءموبيلدى توپتار پاترۋلدەيدى. وعان ىرگەلەس اۋماقتار درون كومەگىمەن باقىلانىپ وتىر.
ء«ساۋىردىڭ 7-نەن 8-نە, 8-نەن 9-نا قاراعان تۇندە كوشەگە سەبەپسىز شىققانى ءۇشىن پوليتسياعا 70-كە جۋىق ازامات جەتكىزىلدى. ولارعا قاتىستى قر اكىمشىلىك قۇقىقبۇزۋشىلىق تۋرالى كودەستىڭ 476-بابىمەن اكىمشىلىك حاتتامالار تولتىرىلىپ, ماتەريالدار سوتقا جولداندى. وبلىستا توتەنشە جاعداي رەجيمىن بۇزعانى ءۇشىن 180 ادام اكىمشىلىك جاۋاپكەرشىلىككە تارتىلدى. ونىڭ 67-ءى قاماۋعا الىندى» -دەپ حابارلادى وبلىستىق پوليتسيا دەپارتامەنتى ءباسپاسوز قىزمەتى.
توتەنشە جاعداي ەنگىزىلگەلى بەرى ماس كۇيىندە پوليتسيعا قارسىلىق تانىتقان 9 ادامعا قاتىستى قر اكىمشىلىك قۇقىقبۇزۋشىلىق تۋرالى كودەكستىڭ 478-بابىمەن حاتتامالار تولتىرىلىپتى. سونداي-اق, بلوكپوستاردى اينالىپ وتۋگە تىرىسقان 21 ارەكەتتىڭ جولى كەسىلگەن. ونىڭ ىشىندە 13-ءى جەكە اۆتوكولىكپەن اينالما جولداردا توقتاتىلدى. ءوڭىر پوليتسەيلەرى 3 000-نان استام تۇسىندىرمە جۇرگىزدى.
جۇماسات عازيز